156
Prix-fait. — Pierre Barre, maçon et couvreur de maison, paroissien de Saint-Donatien, s’engage auprès de Jean Robillart, marchand boucher du grand bourg d’Orléans, à faire les travaux de maçonnerie et de recouvrement que requiert l’hôtel de Jean Robillart à Saint-Laurent-des-Orgerils, pour le prix de 16 l. t. Le maçon s’approvisionnera en matériaux à ses coûts et terminera les travaux avant le 16 juin prochain.
92 v°Et ledit jour de mardi.
Pierre Barre, maçon et couvreur de maisons, parroissien Saint Donnatien d’Orleans, confessa avoir contraint et marchandé avec Jehan Robillart, marchant bouchier du grant bourc d’Orleans, de faire et faire faire les euvres de maçonnerie et couverture qui faillant et sont a faire en ung hostel appartenant audit Jehan Robillart et qu’il a assis sur la terre de Saint Lorens de Orgeriz lez Orleans. Et premierement, faire une cheminee a chaux et a sablon, laquelle sera faicte quatre piez au dessus de ladicte maison, sera tenu faire avec les jambes de ladicte cheminee a ung champfraint. Item, sera tenu aussi de **** toute ladicte maison par dessoubz a chaux et sablon 1 1. Suivent huit mots biffés. et aussi **** de terre blanche tout ledit hostel, et toutes lesdictes euvres faictes, sera tenu les enduire par dedens et hurissonner par dehors a chaux et sablon bien et convenable. Item plus, sera tenu ledit Pierre Barre de later de late a joint tout ledit hostel, et mesmement ou feste dudit hostel de late reudes et a joint, et avec de les couvrir par amont et demi millier de tieulle et au dessoubz dudit feste d’esseaune, et querir et bailler toutes telles matieres qu’il esconvendra oudit hostel a ses colx et 93 r° despens pour et parmi le pris et somme de seize livres tournois monnoye courrant a present, que ledit Robillart sera tenu bailler et paier en faisant lesdictes euvres. Et lesdictes euvres rendra ledit Pierre faictes et parfaictes huit jours devant la feste de Saint Jehan Baptiste prochaine venant. Obligent de chacune partie. Renoncent etc.
