325
Quittance. — L’abbaye de Saint-Euverte a reçu le 20 juin 1420 de feu Jean Eustache l’aîné, conseiller du duc d’Orléans, et de sa femme Jeannette 50 l. t. pour célébrer deux vigilles et deux messes annuelles à partir du 24 juin 1420 au profit du couple et de ses amis charnels, ce que l’abbaye a fait. Adam de Trétainville, abbé de Saint-Euverte, déclare avoir reçu ce jour de Jeannette, la veuve de Jean, un verre d’argent doré sur pied valant un marc et demi, une demie once et un gros d’argent pour continuer à célébrer les messes anniversaires et les accompagner de quatre cierges.
137 r°Et le mardi XIIme jour de novembre.
A tous etc., Adam de Tretainville, humble abbé de l’eglise et abbaye monseigneur saint Euvertre d’Orleanset tout le couvent dudit lieu, salut. Comme, des le XXme jour du mois de juing mil IIIc et vint, pour le bien, utilité et evident prouffit de nous et de notredicte eglise, eussions eu et receu de feux honnorable homme et saige maistre Jehan Eustace l’ainsné, conseillier de mon seigneur le duc d’Orleans, et Jehannete, sa femme, la somme de cinquante livres tournois, de la monnoie lors courant que lesdiz maistre Jehan et sadicte femme nous donnerent et paierent lors pour dire et celebrer perpetuellement a tous jours mes deux anniversaires, c’est assavoir vigilles de mors et la messe de mors le landemain de vigilles pour lesdiz maistre Jehan et sadicte femme et leurs parens et amis charnelz, laquelle anniversaire premiere commencera pour vigilles et jour de la feste Saint Jehan Baptiste XXIIIIe jour du moys de juing qui fut mil CCCC et vint et le XXVejour dudit mois la messe, et l’autre anniversaire pour vigilles le tiers jour 1 1. Suit l’expression le quart jour, biffée. dudit mois de janvier oudit an mil CCCC et vint, jour de la feste Saincte Genevefve, le quart jour dudit mois la messe. Et ces choses promismes faire des ledit temps et aussi y sommes tenuz et le promettons faire d’ores en avant par chacun an a iceulx jours a touz jours mes. Et aussi de ladicte somme de L livres tournois des ledit temps feusmes contantez et bien paiez des dessus nommez qui pour ladicte cause les en quittasmes et encores les en quittons et clamons quittes a tous jours et tous autres a qui quittance en peut et doit appartenir. 137 v° Savoir faisons que au jour d’ui, derechief aussi pour le [bien et profit de] 2 2. L’encre du coin supérieur droit de ce feuillet est effacée. prouffit de nous et de notredicte eglise, nous, cappit[ulans et] 3 3. Lecture incertaine en raison de l’encre effacée. tenans chappittre en la maniere acoustumee, congnoiss[ons et] 4 4. Lecture incertaine en raison de l’encre effacée. confessons avoir eu et receu de ladicte Jehannete, femme dudit Eutasse, et pour augmentation avons audit jour d’ui faicte par icelle Jehanete, ung vessel d’argent doré fait en maniere d’un verre a pié, du poix de ung marc et demi, demie once et ung grox d’argent, pour et parmi ce que nous lui avons promis et promettons. Et aussi serons tenuz pour et en lieu de ce, bailler et delivrer d’ores en avant a tous jours a noz propres coustz et despens a chacune desdictes deux anniversaires dessus declairees quatre cierges de cire ardans durant lesdictes deux anniversaires. Et promettent etc.
Dans la marge gauche : f.
