333
Accord. — Jean Picot et Jean Bouteron, tuteurs de Colette, fille de Marguerite et de son mari feu Jean Deschamps, sergent du duc d’Orléans, s’entendent avec Marguerite et son fiancé Samson Jacquetau sujet de Colette : Marguerite et Samson s’engagent, pour les 8 années à venir, à la nourrir, à la vêtir, à l’héberger, à l’instruire et à lui faire apprendre le métier de couturière, ainsi qu’à payer toutes ses dettes et le testament de son père. À l’issue de ce terme, le couple lui versera 24 royaux d’or et lui donnera un lit garni de literie, un coffre et des vêtements dignes de son état. Pour leur part, les tuteurs transfèrent au couple tous les biens meubles que leur pupille a hérités de son père et les revenus de ses biens immeubles, promettant de lui rendre son héritage bien conservé et géré, libre de dettes à l’issue des huit années.
140 r°Et le mardi XIXe jour de novembre.
Jehan Picot et Jehan Bouteron, ou nom et comme tuteurs qu’ilz disoient estre de Collette, fille de feux Jehan des Champs, jadiz sergent de mon seigneur d’Orleans, et de jadis sa femme, d’une part et ladicte Marguerite et Sanxon Jacquet, son fiencé, d’autre part, lesquielz recongnurent et confesserent avoir fait entre eulx les accors et choses qui ensuivent par la maniere qui s’ensuit. C’est assavoir que ladicte Marguerite et Sanxon Jaquet, son fiencé, ont pris et prennent a norrir ladicte Collette du jour d’ui jusques a Noel prouchain venant et dudit Noel jusques a huit ans aprés ensuivans, pendant lequel temps lesdiz preneurs seront tenuz de norriz 1 1. Comprendre norrir. ladicte fille, lui querir et administrer boire, mengier, giste, vesture, chausses, solliers et toutes ses neccessitez bien et convenablement, paieront toutes ses debtes et le testament dudit feu Jehan des Champs, son pere, et la rendront franche et quitte ; et durant icellui temps la feront aprendre a l’escolle et au mestier de costure et en la fin dudit temps lui paieront, ou sesdiz tuteurs pour elle, la somme de vint quatre reaulx d’or en or de LXIIII au marc, ung lit garny de deux taies bonnes et convenables, une bonne 2 2. Répétition de bonne. couverture, VIII draps de lit bons et convenables, VI nappes, six touailles bonnes, deux orilliers et quatre queuvrechiefs, ung coffre, vestiront ladicte fille, se elle est mariee, d’un scot 3 3. Comprendre surcot. long, une cote simple, une futaine et une cotte hardie de vert brun fourree bonne et honneste selon l’estat 140 v° de sa personne. Et par ainsi lesdiz tuteurs ont [transporté] 4 4. Lecture incertaine en raison de l’encre effacée., quitté et delaissé, transportent, quittent et delaissent [audit] 5 5. Lecture incertaine en raison de l’encre effacée. Sanxon et ladicte Marguerite tous les biens meubles appartenans a ladicte Collette et qui lui sont demourez par le deceps dudit feu Jehan des Champs, son pere, et la revenue de ses heritaiges, en les soustenans, c’est assavoir les vignes faire comme il appartient et en saison et les maisons soustenir de couverture et autres menues neccessitez bien et convenablement et en la fin dudit temps rendre lesdiz heritaiges en bon estat et frans et quittes des rentes qu’ilz doivent a present. Obligent de chacune partie etc. Renoncent etc. Coustz etc.
Dans la marge gauche : ff.
