345
Procès-verbal. — Guillaume Patrix, sergent du duc d’Orléans, a saisi, à la demande de maître Jean des Vignes, sergent du péage de Beaugency, et sur ordre du prévôt d’Orléans, un chaland chargé de tapisseries appartenant à Georges de la Trémoille, chevalier, seigneur de Sully, pour la somme 60 s. 1 d. p. que Jean des Vignes réclame pour le passage au péage de Beaugency. Guillaume Patrix livre en ce jour le navire à Pépin Écuyer, seigneur de Monteneray, qui a renoncé, à la demande des gens du seigneur de La Trémoille, à la poursuite judiciaire et promis payer les 60 s. 1 d. p. si l’on peut démontrer que le seigneur de la Trémoille doit le péage à Beaugency, dont il se dit exempté. Pépin Écuyer et Macé la Guiete, nautonnier du chaland, ont requis procès-verbal.
142 r°Et le lundi XXVe jour de novembre.
Guillaume Patrix, sergent de mon seigneur le duc d’Orleans, confessa en la presence de Pierre Christofle, notaire de Chastellet d’Orliens, que, par vertu des lettres de commission de mon seigneur le prevost d’Orleans et a la requeste de maistre Jehan des Vignes, sergent du peaige de Baugency, il avoit arresté et mis en la main de mon seigneur le duc d’Orleans ung chalan garni de son appareil ou estoit certaine quantité de tapicerie qui appartenoit a noble et puissant seigneur mon seigneur George de La Trimoille, chevalier, seigneur de Seuly, pour la somme de soixante solz parisis et ung denier que ledit maistre Jehan disoit a lui appartenir pour raison du peaige trespassé a lui deu audit lieu de Baugency. Et mesmement, depuis ledit arrest ainsi fait par l’ordonnance et commandement de justice, icellui sergent a huy delivré ledit chalan de tapicerie a touz jours mes et promet que ung nommé Pepin Escuier, seigneur de Monteneray, a hui, pour et a la requeste des gens et officiers de mondit seigneur de la Trimoille, renoncé la main pleine envers justice d’icelle somme de LX solz parisis et I denier, et iceulx promis paiez toutes foiz qu’il sera trouvé que mondit seigneur de la Trimoille doit paier pour raison et a cause dudit peaige trespassé, duquel mondit seigneur de la Trimoille se dit estre exempt et franc. Dont de tout ce ledit Pepin et aussi Macé la Guiete, nottonnier dudit chalan, requisdrent instrument.
Dans la marge gauche : f.
