328
Métayage. — Étienne Brice, laboureur de vignes de la paroisse Saint-Marc, prend en métayage pour trois ans à compter de la dernière Toussaint, de l’abbaye Saint-Euverte un hôtel avec pressoir, un arpent de terre, et divers arpents de vignes en plusieurs endroits. Il partagera pour moitié les récoltes avec l’abbaye et il s’engage à résider sur place, si ses voisins le font aussi, à marcotter la vigne en 40 provins ou fosses tous les ans sur chaque arpent, à fournir l’osier nécessaire à la vigne. L’abbaye s’engage à lui verser 4 l. t. par an et à le laisser extraire l’osier d’un quartier de broussailles.
138 v°t le jeudi XIIIIe jour de novembre.
Estienne Brice, laboureur de vignes, parroisse Saint Marc, prent a mestarie et a moittié, de la Toussains derreniere passee jusques a trois ans prouchains aprés ensuivans, de messeigneurs les religieux abbé et couvent de Saint Euvertre d’Orleans, qui leur 1 1. Comprendre lui. baillent, ung hostel et pressouer avec ung arpent de terre et trois arpens et demi de vignes appartenans ausdiz religieux abbé et couvent, assis et seans, c’est assavoir ledit hostel et terre au lieu de Villiers et lesdictes vignes en plusieurs pieces, et mesmement cinq quartiers de vigne assis derriere ledit hostel de Villiers, V quartiers ou cloux Notre Dame assis a la Loige et ung arpent de vigne assis en trois pieces ou Cloux de Boudart, pour et parmi ce que ledit Estienne a promis et sera tenu cultiver et labourer lesdictes vignes a mestarie et a moittié bien, deuement et convenablement, et es desblees que Dieu y amenera, chacun d’eulx y prendra la moittié. Et par ce faisant, ledit preneur sera tenu prougner en chacun desdiz arpens de vig[nes] 2 2. L’encre dans le coin supérieur droit de ce feuillet est effacée. et par chacune annee quarante fosses bien et convenablement. Sera tenu avec [ce] 3 3. Lecture incertaine en raison de l’encre effacée. ledit preneur de bailler et querir toute tele quantité d’osier comme il esconvendra esdictes vignes, a ses coustz et despens. Et aussi par ce faisant aura et prendra a son prouffit ledit hostel avec ledit pressouer sans riens en paier durant ledit temps. Et plus, par ledit 139 r° traictié faisant, iceulx religieux abbé et couvent seront tenuz et leur ont promis donner et bailler par chacune desdictes annees la somme de quatre livres tournois, monnoie courant a present. Et plus, en tant que touche les arbres portans fruit, chacune desdictes parties prendront et auront la moittié en les labourant par ledit preneur. Et pour raison dudit osier que ledit preneur est tenu bailler et querir, lesdiz religieux abbé et couvent lui ont delaissié ung quartier d’islaie assis ou cloux d’Avertin, parroisse Saint Marc, laquelle yslaye ledit preneur sera tenu coultiver et labourer par chacune desdictes III annees de deux façons, bien et convenablement, et aussi y proingner au feur l’implaige 4 4. Au feur l’implaige signifie « à proportion » : le preneur s’engage à élaguer la vigne pendant trois ans, en gardant la moitié de la taille. desdictes vignes, sera tenu aussi de demourer oudit hostel et pressoer se il est possible de y demourer et que les voisins y soient demourans. Obligent de chacune partie.
Dans la marge gauche : f.
