le logo Elec

L’année 1437 dans la pratique de Pierre Christofle, notaire du Châtelet d’Orléans

133 v°Et le dimenche tiers jour de novembre.

Jehan de la Haye, laboureur, parroissien de Saint Euvertre, prent de la Toussains qui fut l’an mil CCCC XXXVI jusques a XL ans prouchains aprés ensuivans de André du Bois, qui lui baille, jusques audit temps, la moittié de trois quartiers de vigne ainsi co[mme] ilz se comportent et poursuivent, sans riens oster ne parfaire, que ledit André avoit nagueres prins jusques audit temps de messire Thibault de la Borde, prestre, prieur d’Artenay en Beausse, assis ou cloux Gontran134 r° parroisse Saint Marc, tenant a maistre Jehan Parme d’une part et a l’eritaige que tient Pierre de Moy d’autre part, chargez des cens et reddevances enciennes, lesquelles ledit preneur paiera et sera tenu paier la moittié ou nom dudit messire Thibault. A tenir pour quatre solz parisis, monnoie marc d’argent VII livres tournois, de rente et au dessoubz 1 1. Comprendre VII livres tournois et au dessous, de rente.. A paier au terme de Toussains, premier terme commençant a la Toussains prouchaine venant. Et par ce faisant sera tenu ledit preneur de faire labourer par chacun an la moittié desdiz trois quartiers de vigne de toutes façons et en saison et iceulx soustenir et en la fin les laisser en bon estat et convenable, et au seurplus faire tenir par la forme et maniere que ledit André y est tenu et obligé. Obligent etc. de chacune partie. Renoncent etc. Coustz etc.