316
Contrat de mariage. — Samson Jaquet, de Binas, épouse Marguerite, veuve de Jean des Champs, jadis sergent d’Orléans, et s’entend avec elle avant les fiançailles. Il s’engage à lui remettre 100 l. t. à convertir en biens propres pour elle et lui constitue un douaire, à prendre sur ses biens avant tout partage, de 40 l. t. s’il n’y a pas d’enfant et de rien s’il y en a.
133 v°Et ledit jour de samedi IIe de novembre IIIIc XXXVII.
Au traictié et parolles du mariage faisant d’entre Sainxon Jaquet, filz de Herment Jaquet, de Binas en Beausse pres de Meung, d’une part et Marguerite, veufve feu Jehan des Champs, jadis sergent d’Orleans, d’autre part, furent et ont esté faiz, passez et accordez entre eulx, et avant les fiensailles d’eulx deux, les traictiez, accors, dons, douaire et choses qui ensuivent. C’est assavoir que ledit Sainxon promet prandre ladicte Marguerite a femme et espouse etc. Et par ledit traictié de mariage et pour icellui estre fait, a promis bailler et mettre es mains de ladicte Marguerite, si tost qu’ilz seront fiancez, la somme de cent livres tournois, monnoie courant a present, lesquielx seront convertiz en propre heritaige d’elle et de ses aians cause par les mains d’elle, de Fouquet d’Amerpoy son frere ou d’autre que bon lui semblera. Et plus l’a douee et doue de la somme de XL livres tournois, de la monnoie marc d’argent VII livres tournois, a prendre et lever pour une foiz sur la part des biens et heritaiges dudit Sainxon et avant aucun partaige ou cas qu’il n’y aura enfans d’eulx deux et se il y a enfans, douaire nul. Obligent de chacune partie etc.
Dans la marge gauche : f.
