327
Ferme. — Philippot le Roy, vigneron, paroissien de Saint-Donatien, prend à ferme pour 59 ans de l’abbaye de Saint-Euverte trois quartiers de vigne qu’avait feu Jean Girart dans la paroisse Saint-Marceau, moyennant 8 s. p. par an et la culture de la vigne.
138 r° Phelipot le Roy, vigneron, parroissien Saint Donnatian d’Orleans, prent a rente, ferme ou pension, de la Toussains derreniere passee jusques a cinquante neuf ans prouchains aprés ensuivans, de messeigneurs les religieux abbé et couvent de Saint Euvertre d’Orleans trois quartiers de vigne ou environ sans riens oster ne parfaire, appartenans ausdiz religieux abbé et couvent de Saint Euvertre et qu’ilz ont assis ou cloux de Fousse Boys, parroisse Saint Marceau lez Orleans, et que souloit tenir de feu Jehan Girart, chargés des cens et charges enciennes, lesquielx par ce faisant ledit preneur, ses hoirs ou aians cause seront tenuz de paier par chacun an ou nom desdiz religieux abbé et couvent et sans riens rabatre de la rente cy dessoubz declairee. A tenir, usfruicter etc. pour huit solz parisis, monnoie marc d’argent vallent VII livres tournois et au dessoubz, de rente, ferme ou pension. A rendre et paier chacun an franchement et quittement par ledit preneur, ses hoirs etc. ausdiz religieux abbé et couvent de Saint Euvertre, a leurs successeurs et a ceulx qui auront cause d’eulx ou au porteur de ces lettres, au terme et feste de 138 v° Toussains, premier terme et paiement commençant a la Toussains [prouchaine venant] 1 1. Lecture incertaine en raison de l’encre effacée.. Et par ce faisant sera tenuz ledit preneur, ses hoirs et aians cause de lui, de faire et labourer par chacun an ledit temps durant lesdiz quartiers de vigne de toutes façons et en saison bien et convenable[ment] 2 2. Lecture incertaine en raison de l’encre effacée. et iceulx soustenir et en la fin dudit temps les laisser en bon estat et convenable. Et paier avec ce toutes tailles d’eglise, de ville, de puis, de pavé et toutes autres subvencions quelxconques que l’en pourroit imposer sur lesdiz heritaiges. Et avec ce de renouveller ces presentes a chacune mutacion qui se fera dedens ung an aprés ladicte mutacion. Et se ledit preneur ou ses aians cause sont de ce deffaillans ou de paier ladicte rente par deux ans entresuivans, en ce cas lesdiz religieux abbé et couvent de Saint Euvertre pourront prandre et exploicter lesdiz heritaiges comme leurs sans contredit. Obligent etc. Par ledit preneur.
Dans la marge gauche :
Grossoyé par Pierre Noblet
notaire
3
3. Cf. n° 258..
