§ 1.

Tuit li enfant giuqu'au tiers nevoz sont apelez fiz, et li autre sont apelé décadant. De travers sont paranz, si comme li frères et la serors, et lor enfanz, et la serors, et li oncles, et les tentes, de par père et de par mère. Et tote la foiz que l'en demende en quel degré chascune persone est, l'en doit commencier à conter à celi de qui lignage l'en enquiert ; et cil qui est au plus prochein degré de lui, est li segonz ; et issi croit li numbres à chascun qui i vient. Autresi doit l'en fere à degrez (de travers) : car les persones au père et à la mère, por qui il sont joint, est contée premièrement. L'en apele les degrez a la semblance d'eschieles et da (des) los à claives, en quoi l'en entre en l'un par l'autre.

§ 2.

Numbre donc les persones qui sont en chescun degré1 :

[p. 226] Ou premier degré de lignage, en amontant, sont li pères et la mère ; en avalant, li fiz et la fille ; et en ce degrié ne puet plus avoir2.

Ou segont degré a deus (douze) persones : ce sont li eol et le aole de par père, et cil de par la mère, en amontent ; en avalant, li nevoz et la nièce, de par le fil et de par la fille ; de travers, le frère de père ou de mère, ou de l'un et de l'autre ; ausi la serors. Mès la diversité des frères ne croist pas le numbre : car il n'a nule différence de par qui aucun soit mon frère3.

Il pot avenir en ces qui sont de dos pères et de dos mères, que cil qui est frère mon frère ne m'apartient pas, et cil qui est mon frère ne li apartient rien4.

Ou tierz degré sont contenues trente-deux persones par degrez, qui sont entendues par quatre manières. Car li dur père à ma dues eiaus et (i) sont, et cil e ma (à mes) deus eoles ; et osi i sont lor quatre mères. Et mes oncles qui sont frères mon père puent estre entendu en deus manières : ce est ou pardevers son père, ou pardevers sa mère. Car se m'aole de par mon père se maria à ton père, et ele te enfanta, ou ta eole de par ton père se maria à mon pére, et ele me enfanta, ge sui ton oncle, ou tu li miens. Et autresi avient-il des femes, se l'une se marie au fiz à l'autre : car li mâles qui en nest est oncle li un à l'autre, et les femes sont ausint5.

Se li frère prant feme, et la sor se marie, et chascun a enfanz, li enfant á la sor apéleront lor frère lor oncle, et cil au frère apèleront la sor ente6.

Li frères ma mère est mon oncle, autresi comme li frères mon père.

Se ge prant ta fille et tu la moie, li enfant masle qui nestront de noz, seront oncle li un à l'autre ; et la femeles seront ausi l'une à l'autre ; et por cele meisme reson seront li mâle oncle au femeles, et les femeles ausi au mâles7.

La sor mon père est ma tante, et la sor ma mère. L'en doit savoir que li fill el les filles au frère et a la seror n'ont pas espéciau non de [p. 227] lignage, ausi comme li frères et la serors au père et à la mère, en (ains) sont nomez fiz ou filles au frére ou à la seror, si comme l'en verra enprès que il avient en autres8.

Li enfant au nevoz ou à la nièce sont entendu en quatre manières : car il descent nevo de nevo de par le fil, ou de nevo de par la filie, ou de la mère (nièce), de par l'un ou de par l'autre9.

Ou quart degré sont contenues quatre-vingts persones. Li beseaus mon père qui est entenduz en huit manières : car il puet estre de par mon père ou de par ma mère ; et si comme nos avons dit, totes les parties devent estre entendues en deus manières ; et autresi la beseole mon père. Et autresi sont dobles totes les persones pardevers lui10.

Li frères mon eau est mon grant oncle, et cil nous est entenduz en quatre manières : car il puet estre frères à l'eol de par le père, ou à celi de par la mère. Cil qui est mon grant oncle est oncles mon père ou a ma mère. Ma grant ante est la suer mon eau ou m'aole ; et autresi estele entendue en deus manières, si comme nos avon devant dit ; et por ce il sont entendues quatre persones. Et autresi cele qui est ante mon père ou ma mère11.

Ma grant ante est la sor mon eol ou ma eole ; et autresi est-ele entendue en deus manières, si comme nos avon dit ; et por ce i sont entendues quatre persones. Et autresi cele qui est ante mon père ou ma mère, pardevers sa mère, est ma grant ante. Li frère me eole est mon grant oncle, et contient quatre persones ; et cil est mon grant oncle qui est oncles mon père ou à ma mère, pardevers son père, ou pardevers sa mère12.

La sor ma eole est ma grant tante, et contient quatre persones par la reson que nos avons mostré devant. Et cele qui est tante mon père ou ma mère, pardevers la soe mère, est ma grant tante13.

En ce meisme degré sont cil qui sont apelé cosin germain et coisines germaines : ce sont cil qui nessent de deus frères et de deus serors, ou de frère ou de sor. Et chascun de cez puet estre entendu en deus manières, selon ce que nos avons devant dit ; car lignages puet venir ou [p. 228] pardevers père ou pardevers mère. Et autresi la fille á l'oncle ou à la tente puet estre entendue en deus manières, selon ce que nos avons devant dit ; car lignages puet venir pardevers lo père ou pardevers la mère. Et autresi la fille à l'oncle ou à la tante pot estre entendue en deus manières, por cele meisme reson14.

Et se la seror et li nevoz et la nièce sont entendu chescun en deus menières, si contendront-eles (seize) persones, se l'en entent que eles se doblent15.

Ou quint degré sont contenues xxxiii (cent quatre-vingt-quatre) persones. Car li pères mon beseol, qui est beseol mon père, et eol mon eol, contient xxvi (seize) persones, à conter pardevers les niales et pardevers les femeles, si que l'en voie à chescune des persones qui vienent pardevers le masle ; et autresi celes qui vienent pardevers la femeles contienent ces vi (seize ?) persones. Et ausi comme les persones se doblent pardevers le père, ausi se doblent-eles pardevers la mere, ensint com nos avons dit devant16.

L'en ne pot venir à celi de qui l'en enquiert, fors par totes ces persones de qui il nez ; et généraument de totes les persones que il convient conter, chescune doit estre contée par quatre, selonc ce que nos avons devant conté, comment que ce soit, ou en montant, ou en avalant, ou en travers. Ou por ce que li racontemanz de toz cez seroit foux et enuios, de ci en avant, si nos en passons briemant otre ; car par cez que nos avons nomez puet l'en voer légièrement comment l'en doit conter en cez degrez, et as autres qui vienent après.

Ou sixte (de) gré sont contenus iiiie [xl] et viii persones (quatre cent quatre-vingt-huit). Et en ce degrié est li quarz eoux, qui est éu (aïeul) au beseau à celui de qui l'en enquiert le lignage : (si) contient xxxii persones, que il convient totes dobler, selonc ce que nos avon dit devant as autres degrez, si que l'en aist lx. iiii17. Li frères à celui éau est li tierz grant oncles : si contient seize persones, et autresi convient-il que eles se doblent. Li frères à la quarte eole est autresi li trez granz grant oncles, et contient autresi seize persones, et convient autresi que eles se doblent. Et ausi convient-il de toz cez qui sont en [p. 229] sixte degré, ou en montant, ou en avalant, ou de travers, si que chascune des persones qui i seront soient contées en deus manières : c'est pardevers le masle et pardevers la femele18.

Ou vii degré sunt contenues M et xxiii persones. En ce degré sont li pères et la mère au quart eol et à la quarte eole, qui contient c et xxviii persones ; et chascune de cez personnes a père et mère. Totes les autres persones qui sunt en ce degrié, ou en montant, ou en avalant, ou de travers, devent estre contées dobles, selonc le générau enseignement que nos avons devant mis. Et por ce que il a grant ennui et pou de profist en conter chacune persone par son nom, nos en pason ostre briemant19.

§ 3.

Adam20 dit : Li uns des degriez de lignage sont en montant, et li autre en avalant, et li autre de travers. Cil en montant sont li pères et la mère ; et en avalant, sont li fil et les filles ; de travers, li frères et les serors, et cil qui nessent d'aus. Cil qui vont en montant, cil qui vont en avalant, commencent au premier degré ; mès cil qui vienent de travers, n'i sont nule foiz, ainz sont ou segont degré, et ou tierz, et ce qui vienent enprés. Aucun de cez qui vienent de travers poent partir à cez qui vienent en montant. Mès l'en doit savoir que quant l'en enquiert d'éritage ou de possession des biens, tuit cil qui sont de un meisme degré ne doivent pas partir ensemble21.

Le premer degré en montent sont li pères et les mères ; en avalant, li fiz et les filles. Au segont degré, en montent, sunt li eol et les eoles ; en avalent, li nevoz et les nièces ; de travers, li frères et les sors. Au tierz degré, en montant, sont li beseol et les beseoles ; en avalant, li enfant au nevoz et à la nièce ; de travers, li enfant au frère et à la seror, et li oncles et les tantes pardevers le père et pardevers la mère22.

Ou quart degré, en montant, et en avalant, et de travers, sunt li enfant a cez qui sunt do tierz degré ; à icest meisme degré de travers sont li frères et la sor à l'eol et au beseol, et li coisin germain, ce sont cil qui nessent des deus frères et des deus serors.

Ou quint degré, en montant, et en avalant, et de travers, sont li [p. 230] enfanz à ces do quart ; et si sont en ce degré li frère et la seror au beseol et à la beseole, et li cosin après germain23.

Ou siste degré, en montant, et en avalant, et de travers, sont li enfant a cez qui sont dou quint.

Ou vii, sont li enfant à cez qui sont au siste. Por ce que nos avons devant dit, puet l'en assez savoir quez persones il i a après ; et no devons savoir que totes cez persones sont dobles ; car quant nos disons li aol et li beseol, nos entendons de ce qui sont pardevers père, ou pardevers mère ; car quant nos dison nevoz et nèices, nos entendon cez qui viennent des fiz, et cez qui vienent des filles24.

§ 4.

Adam25 dit : Quant l'en enquiert de nature de lignage, l'en ne passe pas légièrement le setième degré ; car nature ne soffre pas que aucun vive tant que cil degré soit passez. L'en apele coisins ces qui sont d'une meisme racine. Et l'en entant dreiture de lignage en mointes manieres, si comme cil qui sont de léal mariage, et cil sont apelé léal ; li autre sont qui sont de porchaz, et cil sont apelé bastart ; li autre sont par affinité. Enprès nos dison que cil soient léaul fil qui sont nez de léal mariage, et doivent estre apelé à l'éritage do père et de la mère sanz le testament.

§ 5.

Li bastart n'ont rien en l'éritage, se ce n'est ausint comme estranges, et li affins ausint.

Nos vos avons ci mostrez des degrez de lignage ; or vos mostreron comment avenue doit aler, et à qui, et eschéeste.

Avenue de fiez si vient do père au fiz ; et puis au nevoz, et au seus (sous) nevoz, et ausint en siuant ; et tozjorz prent avant celi qui est en ceste ligne, ga si l'an ne sera que cez en montent, ne que ces de costé ; et ausi est en vilenages.

Or parlerons des fiez premièrement, et enprès de vilenages.