§ 1.

Guillermes, évesques d'Orliens, dit que cil mort proprement sanz fere testament, qui pot fere testament, et ne le fist pas2.

Et se le héritage à celui qui fist son testamenz n'est pas receuz, ou se testamenz est roz ou voins, l'en dira proprement que il est morz sanz fere testament. Mès l'en ne dit pas proprement que cil qui ne pot fere [p. 247] testament, soit morz sans fere testament, si comme cil qui a moins de quatorze anz, ou li forsenez, ou cil qui a (à qui) l'aministracion de ses biens est deffendue3.

Nos devon entendre que cil qui muert en cheitivoisons, mort sanz testament ; car, segont la loi que li rois Phelipe fist, ses éritages eschiet à cez à qui il escheist se il fust morz en la cité4.

L'en puet demander, savoir mon, se cil qui est conceuz et nez de cele en qui franchise fut lessie, que l'en a de léal mariage, est propres heirs son père ? Et por ce que il nos plet que il ait naturez frans, ge ne voi pas que il ne soit propres heirs son père, et li enfens frans né. Ce n'est pas mervoille se de sers nessent naturément frans ; car il est escrit que de cele qui est e (en) chaistivoison pot enfanter naturelment franc. Et por ce osé-ge bien dire que, se li pères à celui enfant est d'autre condicion comme la mère, à qui l'en demoura à doner franchise que li estoit lessie, et l'en demoura ausint à franchir le, li fiz n'est pas propre heir son père, et en sa poeste : autresint comme celui qui nest en chestivoisons, et s'en revient ou son père et o sa mère, se sis pères est donc franchiz après la demore, il recevra le fiz en sa poeste ; et se il mort avant, l'en doit dire que li fiz sera son propre heir5.

Nos devons entendre propres heirs les fiz ou les filles naturés6.

Aucune foiz avient que li propre heirs est forclos, et que la borse le roi a l'éritage, si comme quant li père est dampnez d'aucun griés criminel ; et por ce n'a pas li fiz droiture en sa chose7.

Adam dit : Se li fiz lesse à estre hoirs, tuit li nevo et totes les nièces qui sont decenduees d'ans, vienent en son leu ; et ce vient par naturel droiture. Se aucuns est pris et menez en chetivesons, et il mort, ses fiz et ses filles sont si heir8.

§ 2.

Enprès cez qui sont en la poeste au mort, sont apelé li coisin. Casius apèle cez coisins qui sont joint par sanc ; et ce est voirs9.

§ 3.

Après cez qui sont joint par sanc, sont apelé li parant pardevers [p. 248] le père ou pardevers la mère, se il n'i a de cez qui sunt joint par sanc. Et l'en doit ce issi entendre, se il n'en i a nul, ne l'en n'est en apparence que il n'en i eist nul. Car se aucuns pot nestre qui soit joint au mort par sanc, ou il puet revenir de chestivoisons, li parenz pardevers le père sont empoechié10.

Enprès cez qui sont joint comme par sanc, ne (me) sont lor enfant plus prochein, et ge aus, si comme li frère mon père, qui est mon oncles, et plusors autres persones11.

Héritage eschiet au plus prochein parant de la partie dom la chose mot, fors en fiez, où les femelles ne prennent rien, se eles ne sont plus procheines. Et s'il i a plusors de un meisme degré, il sont tuit apelé, si comme s'il i a deus oncles, et li uns d'aus a lessié un fiz, et li autre deus, et lor père soit mort, li héritages sera partiz en trois, et aura chescun le tierz12.

Ne il n'a point de différence se aucuns est sos (seul), ou voc (avec) autres ; car cil est li plus procheins qui n'a nul par devant lui, et cil est li plus lointiens après cui nus ne vient ; et se aucuns est sos, il est li plus procheins et li plus lointeins13.

Aucune foiz avient que nos recevon à l'éritage autre que celui qui estoit li plus procheins de celui qui est morz, si comme se il fist son testament à un estrange14.

Nos quéron le plus prochein, non pas celui qui estoit li plus procheins quant il mori, mès quant il fut certoine chose que il estoit morz. Nos apelâmes le plus prochein de lui par lignage ; et se il le refuse, nos i apelons le plus prochein après15.

§ 4.

Cil moismes dit : Se cil qui a esté franchiz est morz sans fere testament, il est voirs que li héritages eschiet à ses propres heirs, ou à ses parenz frans ; et s'il n'en i a nul fors que sers, la chose eschiet en la borse le roi16.

§ 5.

Cil meisme dit : Gaubert déshérita son fiz, et fist un autre estrange son heir, soz condicion. Se li fiz prist feme après la mort son [p. 249] père, ainz que la condicion avenist, et il avoit un fiz, et il morut, et la condicion lor falli. Enprès ce l'en demende se li héritages à l'eol apartient, selonc la lois, au nevoz qui fut nez après sa mort ? Et la response est que cil qui est nez après la mort son ael, ne pot demender son héritage, selonc les lois, comme son propre heir, ne la possession des biens comme coisins ; car il apèle à la possession des biens celui qui estoit quant il morut, de qui li héritages movoit, ou qui fut conceuz à sa vie. Car l'en puet dire en une manière que cil est qui est conceuz17.

§ 6.

Li baillis promet la possession des biens, par non de lignage, à cez qui estoient li plus prochein de mort ou tens que il morut. Car cez que l'en apèle par costume nevoz, cez qui sont conceuz après la mort lor eol, n'est pas proprement apelez nevoz, mès par usage18.

Se aucuns lessa sa feme grosse et il avoit sa mère et sa sor, et sa mère morut au vivent sa feme, et après ce sa feme ot un enfant mort : l'éritage apartient à sa sor tote seule, par la lois. Car il est certaine chose que sa mère morut, en ce que li héritages n'apartenoit pas à lui segont la lois19.

§ 7.

Johen de Beaumont dit : Se plusors poent estre heirs segont les lois, et l'un et l'autre lessèrent à recevoir l'éritage, et furent empoechiez ou par mort ou par aucune reson, lor partie eschiet as autres qui la recevront, jà soit ce que il more ainz que il li eschée ; et s'il muert enprès, il apartient à son heir20.

§ 8.

Li fiz est li plus procheins parenz au père21.

§ 9.

Il n'est pas besoing que li propres heirs reçoive maintenant l'éritage au père ou à la mère ; car, quant il eschiet, il sont mointenant heir par droit22.

§ 10.

Quant doeres eschiet, li heirs à la morte qui fut le doere, ne puet pas demender les fruiz pendenz. Mès il puet demender ce que l'en aura mis ou labor de la chose, si comme les deners des façons des vignes, si comme les semences des terres.