XVIII. Quant la possession des biens est donée segont les lois1.

§ 1.

Geufroi de la Chapelle dist : Il convendra que ge donge la possession des biens par la loi ou par le conseil do seignor de la province ; [p. 245] einsint la donrai-ge à celui qui la demendera, par la reson de ce qu'ele mot de cele partie don il est do lignage, et par là où il puet estre hers : car la possessions des biens ne li apartient pas autrement2.