342
Bail à ferme. — Pierre de Fontenil, écuyer d’écurie du roi, seigneur de la vicomté d’Orléans, baille à ferme pour trois ans à partir du 30 novembre à Jean Petit, dit le Berche, marchand poissonnier d’Orléans, la vicomté d’Orléans et tous les droits qui y sont attachés pour 60 l. t. par an, dont le bailleur déduira chaque année 72 s. p. pour les rentes que perçoivent l’abbé de Saint-Mesmin (40 s. p.) et Étienne Luillier, conseiller de Pierre de Fontenil (32 s. p.).
141 v°Ledit jour de dimenche XXIIIIe de novembre.
Noble homme Pierre de Fontenil, escuier d’escuierie du roy notre seigneur, seigneur de la viconté d’Orleans, baille a ferme, moison ou pension de la Saint André prouchaine venant jusques a trois ans prouchains aprés ensuivans a Jehan Petit dit le Berche, marchant poissonnier d’Orliens, qui prant de lui, la viconté d’Orleans et tous les droiz appartenans a icelle viconté que ledit bailleur dit a lui appartenir de son heritaige. A tenir pour le pris [et] somme de soixante livres tournois, monnoie courant a present, a paier chacun an aux termes de Noel et de Saint Jehan Baptiste, a chacun terme la moittié, premier terme commençant a la Saint Jehan Baptiste prouchaine venant. Et par ce faisant sera tenu ledit preneur de paier par chacune desdictes III annees soixante douze solz parisis, c’est assavoir quarante solz parisis a monseigneur l’abbé de Saint Mesmin, auquel on les dit estre deuz, et aussi trente deux solz parisis a maistre Estienne Luillier, conseillier dudit Fontenil, qui est et monte ladicte somme de LXXII solz parisis, lesquelx ledit bailleur sera tenu desduire et rabatre audit preneur et par chacune desdictes III annees. Obligent de chacune partie etc. Renoncent etc. Coustz etc.
Dans la marge gauche :
f
et au-dessous :
pour ledit Berche.
