7
Ferme. — Raoul Chartain, licencié en droit, et sa femme Belon, paroissiens de Saint-Germain, prennent à ferme, pour 59 ans à partir de Noël 1436, de l’abbaye de Saint-Euverte un jardin situé au faubourg Saint-Euverte qu’ils s’engagent à cultiver, pour 10 s. p. par an.
58 r° Honnorable homme et saige maistre Raoul Chartain, licencié en loys et en decretz, et Belon sa femme, parroissiens Saint Germain d’Orleans, ladicte femme o l’auctorité etc., lesquelx recongneurent et confesserent que ilz ont prins et prenent a rente, ferme ou pencion, du jour de Noel derrenier passé jucques a cinquante neuf ans prochains aprés venant et entresuivant, des religieulx abbé et couvent monseigneur saint Euvertre d’Orleans qui leur ont baillé ung jardin a eulx appartenant et qu’ilz ont assis et seant en la rue de l’Estellon es forsbours dudit Saint Euvertre ainsi comme il se comporte et poursuit en long, large et en travers, tenant aux meurs de ladicte eglise d’une part et a ung vergier que Jehan Blesseboys, laboureur, tient desdiz religieulx d’autre part et par derriere aux meurs de la vieille grange de ladicte eglise Saint Euvertre, chargé des cens anciens tant seeulment. A tenir et exploicter ledit jardin dessus declaré par lesdiz preneurs, par leurs hoirs et aiens cause et par leur main en prandre, cueillir, lever et recevoir les levés, desblees, exploiz, prouffilz, usfruiz, yssues, revenues et emolumens leur durant ledit temps de cinquante neuf ans, pour dix soulz parisis, monnoye courant a present, de rente, ferme ou pençon, a rendre 58 v° et paier chacun an franchement et quittement par lesdiz preneurs, par leurs hoirs et aiens cause d’eulx 1 1. Suit l’expressiond’eulxou au pourteur de ces lettres qui est biffée. ausdiz religieux abbé et couvent, a leurs successeurs et aiens cause d’eulx ou au pourteur de ces lettres aux termes et festes de Noel et de Saint Jehan Baptiste, a chacun terme la moitié, premier terme et paiement commançant a la Saint Jehan Baptiste prouchaine venant. Obligent etc. Renoncent etc.
Dans la marge gauche au folio 57r : f.
