8
Location. — Jean Furet, paroissien de Sainte-Catherine d’Orléans, loue pour quatre ans et demi une buffeterie appartenant à Charlot Luillier et à Babelot Langevine, bourgeoise d’Orléans, au coût de 8 s. p. par an.
58 v° Jehan Furet, parroissien de Sainte Katherine d’Orleans, prent a loier, ferme ou pencion du jour d’uy jucques a la Saint Jehan Baptiste prochaine venant, et de ladicte feste Saint Jehan jucques a quatre ans prochains aprés ensuivant de Charlot Luillier et Babelot Langevine bourgoise d’Orleans, qui lui baillent, la buffeterie a eulx appartenant. A tenir etc. pour huit soulz pareriz 1 1. Comprendre parisis. monnoye courant a present chacun an, a paier aux termes de Noel et de Saint Jehan Baptiste, premier terme commançant a la Saint Jehan Baptiste prochaine venant. Et par ce faisant, sera tenu 2 2. Suit un signe, une marque ressemblant à un triangle, probablement une lettre, non identifiable, qui a été biffée par le scripteur. ledit preneur de aler au feu toutes foiz que mestier sera et porter avec soy son tyne et sur ce les garder de touz coustz, pertes, domaiges et interestz qu’ilz pourroient avoir a l’occasion dudit feu. Obligent par foy etc. Fait de Langevine le XIIe jour de janvier ensuivant.
Dans la marge gauche : ff.
