le logo Elec

L’année 1437 dans la pratique de Pierre Christofle, notaire du Châtelet d’Orléans

59 v° Ledit jour de mardi.

Jehan des Hayes, escuier demourant a Yevrville 1 1. Comprendre Yèvre-la-Ville  en Beausse, baille par eschange pour touz jours audit Jehan Marescot le jeune pour lui, ses hoirs etc. une masure ou nagueres souloit avoir maison ainsi comme elle se comporte et poursuit, nommee la masure d’Almans, avec vint quatre mines de terre assise et seans ou terrouer de Meusny en Beausse, tenues en fié, c’est assavoir ladicte masure et XII mines desdictes terres de la damme de Pauscet et les autres XII mines de Jehan de Boutrevillier 2 2. Lettre biffée après ce mot. , escuier, frans et quittes pour et a l’encontre des vint solz parisis de rente cy devant declairez etc. A les tenir etc. frans et quittes jucques a huy. Cest eschange fait entre lesdictes parties but a but sans nulles tornes d’une partie ne d’autre, et renoncerent lesdictes parties a ce que james puissent dire que ledit eschange n’ait esté deuement fait etc. Et au regart de la foy, ledit escuier fist ses procureurs maistre Jehan le BretonJehan Doulzsire et le pourteur de ces lettres pour soy dessaisir et devestir au prouffilt dudit Marescot etc. Promettent garantir etc. Obligent de chacune partie et renoncent etc. Colx etc.