III. De esposailles repoz1

§ 1.

Ex cons. abe. Si quis2. Note que quant deffense est de mariage, la prove chiet sor l'ome.

§ 2.

Alex. III. Ep. Belvacensis. Quod nobis3. Li évesques de Beauvez demenda la pape, s'il porroit fere grâce en mariage qui est fet en repost ? La pape tint la demende à fole, et dit que itex que issi se marient, ou il requenoissent le mariage ou il ne requenoissent : s'il le reconoissent, grâce n'i a mestier ; se l'en ne pot forcer, l'en ne le pot forcer.

Note que qui en repost se marie ne pot estre forciez de estre assemblez ; et l'en croit home et feme do mariage ; et iglise conferme tel mariage, et lor enfanz sont molete.

§ 3.

Inno. III, con. gen. Cum inhibicio4. L'en dit ci cinq choses : au premer, deffant l'en mariage fet en repot. Enprès commende l'en que se l'en velt fere mariage, l'en le doit bennir en l'iglyse, que qui saura empechement qu'il le die. Enprès dit l'en que li enfanz nez en [p. 190] tel mariage repost seront bastart ; et aussi sera se le père et la mère i sorent empeeschement, et puis prist l'un l'autre. Enprès dit l’en que se aucun prestre ne deffant ce, et s'il i est au fere, trois anz soit sospenduz. Et qui défendra noces à fere par malice, qu'il soit puniz.

Note que ce qui est grosse en un est légié en autre ; et qui pot savoir et ne set, est tenuz ausi cum s'il seust.