§ 1.

Ex con. ap. mels. Si quis2. Aucun f.... sa fillastre : l'en dit que il n'aura, d'equi en avant, ne l'une ne l'autre ; ne l'un ne l'autre, d'iqui en avant, ne se porra marier.

Note que qui fet tel péchié ne se pot marier, tot muire sa feme, car il pèche contre mariage.

§ 2.

Alex.III. Pict. Episcopo. Veniens3. Aucun f.... la mère à cele qu'il avoit esposée. La pape dit que, s'il ne f.... la fille, quant il ara fete sa pénitence, par grâce se porra marier o autre ; et s'il la f.... avant qu'il f..... la mère, ou puis, il ne se porra d'iqui en avant marier.

§ 3.

De Illo. Le cas est plain. Note que l'en doit savoir se péchié est apert ou non.Idem4.

§ 4.

Celsus. Trasmisse5 Un, quant sa feme fut morte, f.... sa fillastre ; et cum il eust pris avant une autre feme, il tint cele fillastre apertemant. L'en demende qu'en dit droit ? Et l'en dit qu'il f.... sa feme o dolor et o lermes, et qu'il ne l'en requière pas ; et por le péchié et por le avotire face la pénitence ; et se sa feme muert, que plus ne se marist.

Note que qui f... sa parente ou coisine ho a parentié, que por ce il n'enpeeche pas mariage (fait) ; mes il l'empeeche s'il est à(faire) ; et ice est entredit de mariage.

§ 5.

Idem. Super eo6. Un se maria ou aucune, et enprès disoit qu'il avoit f..... la cosine sa feme, avant qu'il la prist ; et la feme disoit ce meisme, et li veisin. L'en demende se le mariage doit estre départi por ce ? Et l'en dit que non par lor reconoissance solement, car il [p. 202] porroit estre fet en conchiemant dou mariage, ne por les voisins, ne por la reconoissance.

Note que l'en ne croit pas à qui reconoist, en droit, en tort à l'autre partie ; et là où il n'a nul mariage, est aucun forcez à rendre à sa feme ce qu'il doit, c'est f.....

§ 6.

Inno. Preposito Magdon. Discrecionem7. Un, une qu'il avoit esposée et f....., balla à son cosin, à sa volenté et à (contre) la volenté à la feme, à f......, et l'esposa ; et au plus tost qu'ele pot, ele s'enfoï, et requist son mari ; le mari dist qu'ele ne poet avoir por l'avotire. Le pape dit qu'ele doit estre amonestée, qu'ele ne soit à l'un ne à l'autre ; mès soit en chastée dusque son mari muire ; et s'ele n'i pot estre ramenée, le premier mari soit forciez à retorner à li, com il ne le puisse metre avant avotire dont il a esté acheson. Car com hom ne puisse sa feme giter ne lessier que por fornicacion, ou por aucun avotire, l'en pot dire contre l'ome, s'il i a que dire, si com si a esté parçoner de la folie, ou s'il en fut acheson, ou en autre manière ; tot dient li autre autrement.

§ 7.

Idem Bissinen. ar. Fraternitati8. Un se maria o une de sept anz par espossalles, et la cochia. Enprès se maria o sa suer. Et fut départi par l'évesque, et le pape le conferma.

§ 8.

Idem Episcopo Gusmeden. EX literis9. Unes esposalles furent entre un bachelier et une pucele qui n'avoit pas quatorze anz ; li espos f.... la mère à l'espose, et enprès la fille qui estoit d'aage. L'en dist que l'esposse ne se pot à autre marier, se ele, puis qu'el sot le péchié, sofri la folie ; li hom et la feme à toz jorz se teingnent de marier, por le péchié, se l'en cuide que se puisse tenir de fere folie.

Note que affineté nuit en espossalles ; et qui f... la mère ne se pot marier.

§ 9.

Idem. Arch. Mald. Veniens10. Un jura qu'il prandroit une à [p. 203] feme qui n'avoit pas douze anz. Et cum le père à l'espose l'eust mise en sa meson, il fist tant qu'il f.... la seror à l'espose. Et quant tens fut qu'il poet jà bien f..... l'espose, li ami li prièrent qu'il se mariast o l'espose. Il lor dit ce qu'il avoit fet ; il ne l'en vodrent croire : il prist l'espose ; et quant il poet, il f..... et l'une et l'autre. Et comme il fust sor ce acusez, ne no vosist reconoistre, il s'en fist confès. Le pape dit qu'il en ait sa pénitence, et qu'il soit amonesté qu'il ne f.... plus ne l'une ne l'autre.

Note que assemblement de mariage pot estre afermé par plévine.

§ 10.

Idem. St. Gen. ar. Tue11. Aucun f.... la soror sa feme ; donc l'en demende s'il pot requerre sa feme que ele le lest f......, ou se ele le requiert, s'il la f..... ? Et l'en dit que l'en doit amonester la feme qu'ele se contiegne ; et s'ele ne pot bien, la f.... son mari, com ele ne soit pas parçonière do péchié.

Note que le fet d'un ne doit pas nuire à autre ; et nul ne doit perdre sa droiture sanz colpe.

§ 11.

Idem. Jordane12. Un esposa une qui n'avoit pas quatorze anz ; et ayant qu'ele les eust, il la f.... ; et enprès il la lessa, et se maria à sa mère, et la f.... L'en dit que il se devent contenir, et s'il ne poent estre amené, li hom preigne la fille, qu'il f.... avant, et en face sa pénitence.