§ 1.

Alexander III, Pad. episcopo XXV. Litere2. Cum une feme fust esposée à un autre par présent, quant il fut mort, ele prist son frère ; et cum li évesques li défendit qu'il ne se mariast ne à celi ne autre, ele se maria au tierz, et se fist f..... ; et cum li évesque li eust commendé à aler chés sa mère, ele apela. Le pape mende qu'ele auge chiés sa mère, si comme li évesques commenda, et quant ele i aura esté un mois, qu'ele retort au tierz mari.

Note que aucun se pot lier d'autrui fet ; et la cause est renviée à celi don l'en apele ; et prélat ne doit pas soffrir que ce qu'il commende ne soit fet ; et mariage fet contre la deffense sainte iglise tient.

§ 2.

[p. 209] Idem. Batenen. episcopo. EX literis3Cum R. eust esposé une en la main son père, et enprès se vosist allors marier, li arcevesque de Conturbere le li défendi ; et sor se cil prist une autre. Et cum cil R. et l'autre feme eussent reconeu que il s'estoit marié avant, et enprès prist une autre par folie, et li mari deist que il l'avoit esposée, quant li arcevesques volt aler avant en la cause, le marié apela. Et li arcevesque li deffendi qu'ele ne se mariast dusque la cause fust terminée ; cele se maria enprès sa deffense. Le pape mende que si vot que il ait fience entr'aus, que le segont mariage tienge, et que cil R. face sa pénitence por ce qu'il se maria contre la deffense sainte yglise.

Note que l'en ne croist pas à qui reconoist par soi por mariage ; et défense d'iglise n'est pas cause sofisant à départir mariage.

§ 3.

Idem. De Muliere4. L'en dit que se sopcenos de parenté se marient contre défense d'iglise, il devent estre départi dusque l'en l'ait seu.