§ 1.

Adrianus papa Sancte Bur. Dignum2. L'en demandoit se sers se poent marier contre la volenté lor seignor ? L'en dit que oïl, ne ne doit l'en pas dépécier tex mariages, ne li seignor ne perdent pas por ce lor servises acostumez.

§ 2.

Alex. III, preposito et priori mortar. Proposuit.3. G. se marie o P., et enprès li met sus qu'il est cuvert : le pape dit que, s'il la f.... puis qu'ele set qu'ele est serve, il doit estre son ; si que non, se l'en célèbre entr'aus département, il rendra à la feme ce qu'ele i aporta.

Note : qui se marie o serve et no set, le mariage est nul ; et se le mariage est départiz, li un et li autre r'auront arrière lor choses comme devant ; et s'il la f.... puis qu'il le set, le mariage tient.

§ 3.

Idem. Licet4. Un se maria o une ; cil estoit serf d'une abéïe, et por ce la feme en voloit estre départie, si comme cele qui rien n'en savoit ; li hom allégoit encontre, et disoit que, quant son père mori, que [p. 198] il estoit franc, e i a diz anz que le père mori. L'en dit ci que l'en doit juigier por l'ome, por la franchise.

Note : segont la loi de la province, le fiz doit sigre la condicion au père ; et qui a esté franc dix anz doit estre juigiez franc.

§ 4.

Inno. III. R. Ad nostram5. Un cardineau désevra un d'une cuverte, dont il ne savoit rien, quant il la prist. Le pape dit que si l'om, puis que il le sot, ne consenti en lui, ne de fet, ne de parole, qu'il se marit o autre, s'il velt.

Note que foléance d'estat d'ome ou de feme empeeche mariage, et despièce.