§ 1.

Accepisti2. Se hom et feme, puis qu'il sont ensemble esté troiz anz (mois) et un enprès (an près), et il dient que li hom ne la pot f...., se l'en pot ce prover léaument, il devent estre départiz. Et se li hom prent autre feme, qu'il soit juigé à parjure, et en face sa pénitence, et retort à la première. Et se enprès an et demi, die la feme que li hom ne la conut mie, et li hom die encontre, l'en en doit croire l'ome ; car il est chief à la feme, et por ce qu'ele se tut si longuement ; car en petit de tens pot savoir s'il la f.... ou non. Et s'ele dit enprès deus mois : Je voil estre veue, et l'en pot prover léaument que li hom ne la pot f......, il devent estre départi ; et cele se marit là où ele vodra.

Note que l'en ne croit mie à home et à feme s'il dient contre le mariage, mès il convint provance ; et do premer fet est-il parjure ; et qui est départi por ce qu'il est froiz, doit retorner à la première ; et l'en doit croire l'ome qui fet por le mariage ; et la feme pot bien savoir si li hom la pot f.....

§ 2.

Alex. III, Anbianem. episcop. Quod sedem3. Un esposa une feme, qui par rumpeure avoit perdu la c....., n'onques ne la f..... Cele, porce que cil est meseaus, se velt à autre marier. Et l'en dit qu'ele se marit : car le premer ne valut rien à marier, ne plus que un enfant, quant il ne pot f.....

Note que non poer de f..... fet empeechement en mariage, cum en enfant.

§ 3.

Ex literis4. Un se maria o une, et quant il la volt f......, il ne pot ; et la feme en fut si malade que trop. L'en dit que s'ele a tel vice de nature, ne n'en pot aver aide par médicine, se marit cil o la segonde.

Note que cil qui ne pot f..... ne se pot marier.

§ 4.

[p. 207] Idem. Consultacioni5. L'en demende se l'en se pot marier o c.. estret, o se l'en le doit départir s'il est conjont ? Et le pape ne respont pas à ceste demende ; mès il dit que si ne poent estre eues come femes, qu'il séent comme serors.

Note que l'en ne se pot marier à c.. étret.

§ 5.

Celsus III. Laudabilem6. L'en demende se feme se marie à home de froide complexion, combien l'en doit atendre cele froidure ? Et l'en dit que tot séent divers li tens segont les lois et les canons, segont la loi devent estre ensemble trois anz. Et se lors ne le pot l'en savoir, et cil ne l'a f..... entretant, ele pregne un autre ; et s'il se marie ou autre, si soit départiz. Et si dient endui que il ne s'entre-poent f....., il le devent afermer par la main de sept jurez ; et issi la feme se porra marier ; et se cil se marie à autre, face sa pénitence de parjure, et s'en reviegnent arrière.

Note que naturel froidure pot estre provée dedanz trois anz.

§ 6.

Inno. Autisid. e. Fraternitatis7. Un hom fut départi de sa feme, qu'il ne la poet f......, et puis qu'il fut prové qu'ele ne poet estre feme, si cum cele qui n'avoit point de c... La feme voa chastée, et promist à entrer en religion. Et donna l'en congié au mari de prendre autre. Enprès ce la feme trova que son pertuis li ovri, et se maria à un qui avoit nom Guillerme ; et pria l'en le pape qu'il remainsit o cele. Le pape dit qu'il ne set pas se ele voa simplement ou solempnéement, ne comment ele fut percié, ou par fisiciens, ou par hureiz de v.. ; dont il apert que ce vice ne fut pas perdurable empeechement qui pot estre ostez sans péril de cors. Et por ce dit-il que la sentence fut donée nicement, et dit que mariage est entre la première et G., et o la segonde, non. Dont il les départi, et commende qu'il retort à la premère, s'ele n'entre en religion, ou s'ele ne voe chastée. Et issi entent l'en que ele ne feist fornicacion o le segont, puisqu'ele voa continence, cum l'en la poit metre arrière por la fornicacion. Et s'ele voa chastée simplement, et puis prist le segont, l'en dota de lui, et par l'ome estoit-ele [p. 208] rendue convenable à home, por ce ne dut l'en pas cuidier qu'ele eust fet fornicacion o lui.

Note que provance de cors par droit est aprovée ; et l'en dit que ce qui est sanz preu n'est pas ; et sentence donné par error provable pot estre rapelée ; et issi pot yglise chasteer sa folie ; et il a différence entre vou simple et sollempné ; et l'en ne se pot marier o feme qui a c.. atroit.

§ 7.

Honorius III. Litere8. Une feme requéroit estre départie, devant juiges délégaz, de son mari : car cum ele eust esté o lui huit anz, il ne la poet f......, tot s'abendonast la feme à lui à sa volenté. Li homdisoit que, tot ne la poist-il f....., il f...... bien autres. Li juige, qui orent peor que il ne le feissent par conchiement, firent la feme esgarder à prodes femes par devers le c.., qui distrent qu'ele estoit virge. Et cum li juige ne poissent savoir s'il poent f..... li un o l'autre, et la feme requist estre départie, il requistrent le pape quil (qui) mande : que se li hom et la feme ont hinté trois anz ensemble, et ont juré que l'un ne pot f..... l'autre, qu'il soent départi.