XXII. De segondes noces1.

§ 1.

Alexander III. Capellanus2. Un chapelain avoit fet bénoïçon de deus, qui segonde foiz estoient mariez : l'en dit qu'il doit estre sospenduz de l'ofice et do bénéfice, et qu'il auge à Rome.

Note que cil qui ont deus femes, s'il se marient segonde foiz, ne devent pas estre bénéiz.

§ 2.

Lucius. Dominus3. L'en dit ci que feme ne se doit pas marier, se ele n'est certaine de la mort son mari ; et s'ele se marie, cil la porra f....., mès ele n'en porra pas requerre. Et se le premier home que l'en cuidoit que fut mort retorne, la feme retornera à lui.

Note que nul ne se pot marier, s'il ne set la mort à l'autre.

§ 3.

Urb. III. Vigilien. episcopo. Vir autem4. L'en dit ci que haute béneïçon n'est pas en segont mariage, que l'en ne face tort au sacremant.

Note que femes qui segonde fois se marient, ne devent pas estre bénoittes de provoire.

§ 4.

Idem. Super illa5. L'en demende se feme, dedanz le tens qu'ele doit son mari plorer, se se pot marier sanz estre mal renomée ? Et l'en dit que oï ; car demanois qu'il est morz, est la feme délivre.

§ 5.

[p. 221] Inno. III. P. nobili mulieri. Cum secundum apostolum6. Quant le mari fut mort, la feme demenda congié de soi marier, sanz encorre male renomée de la loi, qui deffent que nule ne se marie dedanz le tens qu'ele doit plorer. Le pape dit qu'ele se pot marier de par Dé, segont ce que li Apostre le dit et commende.

Note que se feme se marie dedanz le tans de plor, ele n'est pas man renomée.