§ 1.

Augustinus de fide pactionis et consensus. Duobus2. Augustin dit que en deu manières est foi, c'est à savoir, de mariage et de espossailles. Et se aucun done foi de espossailles à une, et puis se marie o autre par présent, il remoindra à la segonde. Et s'il dona foi de mariage à la première, et ausi à la segonde, il remoindra à la première.

Note que se, enprès espossalles, aucun se marie par présent, il doit remanoir à la segonde, et fere sa pénitence de sa foi qu'il a mentie. Et se aucun, quant il se marie, dit issi : Je te pren à feme, se tu me lesses f...., tel convenant ne vaut rien.

§ 2.

EX Broc. lib. xix. Accepisti3. Un par présent se maria à une ; enprès une autre la prist. L'en dit cil qui doit retorner au premier, et cil qui enprès la prist en face sa pénitence.

Note que ce qui ne vaut à commeincement enprès ne vaut riens.

§ 3.

Alex.III. Salent, ar. Licet4. L'en dit ci que se aucun se marie o aucune par présent, ne ne la f.... mie, et à une autre ausi par présent se marie, et la f.... : ele retorna au premier, tot soit-il autrement en aucunes yglises.

Note que esposalles de présent font mariage, donc ne les pot l'en dépécier.

§ 4.

Idem. Janen. archi. Tua5. Aucun marié sont travallé de parenté [p. 191] que l'en dit qui est entre aus ; il apelent, et endementières il se marient à autres. L'en dit que tel mariage doit estre cassé comme cil qui est fet contre la deffense de sainte yglise ; car l'en lor doit deffendre qu'il ne se marient.

Note que quant aucune cause pent par apel, l'en ne doit rien fere ; et mariage qui est fet contre la deffense sainte ynglise ne vaut rien.

§ 5.

Inno. III, Mutin. Episcop Tuas6. Tel costume estoit en la cité de Mute, que se aucun se mariast o aucune par parole de présent, et ele se maria o autre avant que cil l'eust f...., et cil segont la f.... enprès, ele estoit soe. La pape dist que tele costume est lède, et contre l'iglise de Rome ; et le premier mariage doit tenir.

Note que f.... ne fet pas mariage, mès acordement et consentement.