VIII. Do mariage au meseaus1.

§ 1.

Pervenit2. Unes femes ne voloient sigre lor mariz meseaus : l'en dit qu'eles séent amonestées qu'eles seguent ; et s'il ne volent, eles devent estre forciés à estre chastes.

[p. 197] Note que li meseau devent vivre par soi ; et hom est tenu segre sa feme mesele, et la feme l'ome ; et s'il ne volent segre l'un l'autre, l'en les doit forcier à estre chastes.

§ 2.

Idem. bayonen. episcopo. Quoniam.3. L'en dit ci que por lèpre ne doit l'en pas feme départir de son mari. Et l'en dit ci que se le mesel (ne) se volt tenir chatement, ele se pot marier, s'ele trove à qui. Et se le mesel requiert à f.... sa feme, ele ne li pot nier.

Note que home ne pot sa feme lessier que por fornicacion, et por lèpre, non ; et mesel se poent marier.

§ 3.

Urb.III, ep. Floriacen. Litteras4. L'en dit ci que cele est forçable à eschever le mariage, se si mariz devent mesel entretant qu'il fut fiancé.