§ 1.

Alex. III. abb. Sancti Albini. Propositum2. Un avoit feme, et prist un autre que ne savoit pas qu'il eust feme ; quant la première fut morte, il la volt lessier, et disoit que il l'avoit prise au vivant à sa première feme. L'en dit que se la feme volt, l'en le pot forcier à remanoir o lui ; se que non, se ele volt, bien le pot lessier.

[p. 195] Note que qui allège sa honte ne doit pas estre oïz. Et note deus cas où l'en puet prendre cele o qui l'en a fet avotire, si comme la letre de la décrétale le chante ; et nus ne doit avoir fruit de sa malice ; et mariage tient d'une part et ne tient pas d'autre.

§ 2.

Idem. abb. de Fontibus. Significavit3. Un jura forciez que il esposeroit une feme ; enprès, quant il eschapa, il se maria à un autre ; la première s'en plaint : l'en li deffent que il ne toche à la segonde ; endomentre la première mori. Le pape dit : Se li home forjura la première, et enprès ne la f.... pas, que il soit à la segonde ; et si n'i a point de vérité, que il ne remoigne pas o la segonde, mès se marit aillors.

Note que mariage fet à force ne vaut rien ; car mariages devent estre fez de commendement (consentement) ; et tot i eit-il eu force, et enprès la f...., le mariage est fet.

§ 3.

Idem, barenen. episcop. Super eo4. Un, au vivant sa feme, se maria o un autre : l'en demende savoir s'il la porroit avoir enprès la mort ? L'en dit que non, se ele a porchecié la mort à la feme, ou se li hom la fiença par convent que il la prist enprès la mort sa femme.

§ 4.

Celsus III. Ex litterarum5. Un lessa sa feme por avotire ; cele entra en religion ; et il prist un autre o qui il avoit fet son péchié douze anz au vivent cele feme : l'en demende se avotre pot avotresse prendre ? L'en dit que non ; mès autre pot prendre, quant il aura fet sa pénitence, et sa feme sera morte.

Note que hom pot lessier sa feme, se il la prent en avotire ; et note un merveillos cas que, se feme entre en religion, ele ne fet pas tort à son mari, quant à continence de vivre chatement ; ne le vou de l'ome por l'entrée à la feme n'est pas gardé.

§ 5.

Idem. Cum huberet6Il pose primes un fet qui avint, et forme deus demendes : Un avoit sa prode feme, et fist avotire à un autre, et il en fut tret en plet, et la forjura ; et au vivant sa feme, enprès se maria o cele. L'en demende se li hom pot avoir à feme cele o qui il se maria au vivent sa feme, et en ot moult enfanz, ou s'il se poent allors marier ?

[p. 196] Enprès dit l'en que mariage ne pot estre entre avotires, ne il ne se poent allors marier ; mès l'en lor doit enjoindre que il vivent chatement. Enprès dit l'en que endui, segont ce que il porront, porvoent à lor enfanz.

Note que nul ne pot avoir à feme cele que il a cochié en avotire ; et amor de enfanz ne fet pas fere grâce contre la loi ; et li père devent norrir lor enfanz nez en avotire.

§ 6.

Inno. III, episcopo Spoleten. Significasti7. Un prist une putain et lessa sa feme ; il en fut ecomenié ; quant sa feme fut morte, il la prist. L'en demende s'il poent remanoir ensemble ? Et l'en dit que, s'il n'ont porchacié la mort la feme, ou s'il ne fiança la putain au vivant de sa feme, et li hom soit asos, s'il le requiert.

Note que Chapitre pot escommenier ; et escommenié se pot marier, tot li nie l'en les autres sacremanz.

§ 7.

Idem. Mesenen. episcopo. Veniens8. Cum un se fut marié o une feme, il la lessa, et se maria en une autre cité o une autre, qui rien n'en savoit que cil eust feme ; et comme il retornast à la première par pénitence, et morte la trovast, il retorna à la segonde, et requiroit remaindre o lui en mariage. La pape dit que il pot bien remanoir à la segonde, s'ele requiert, fors que en deus cas : s'a (si elle) ne savoit qu'il eust feme, ou se ne empeecha sa mort ; et s'il li plet, la pape deffent que nul ne l'en travalle.

§ 8.

Gregorius IX, fr.R. Si quis.9. Qui, à vivent sa feme, fiance aucune feme que il la prendra, se sa feme mort, et il pregne cele, l'en ne doit pas dépécier le mariage, s'il ne la f.... au vivent sa feme.