X. De cex qui sont nez de franc ventre1.

§ 1.

Greg. IX. Indecens.2 Une serve se maria o un serf d'une iglise ; enprès li sires à la serve la franchi, et le mari remest cuvert. Il orent enfant : or vodrent li clerc à qui le père estoit serf, que li enfes fust serf, por ce que le père l'estoit. Le fiz à soi deffendre mostra la chartre de franchise de sa mère. Le pape dit que se li clerc ne dient rien contre la chartre, que il ne demendent rien à l'enfant, cum il déent plus deffendre que travailler.

Note que qui est nez de franche mère ne doit pas estre mis en cuvertage.