XII. De trives fere doner.

§ 1.

L'en dit ci que l'en doit trives fere doner en toz tens et en totes hores, ne que ce ne doit estre alongié : car trive si est sauvement de cors d'ome et sauvement de biens desus terre ; et oste achoison que nus ne forsface, et est alongement de vie, et est espérence de pez ; et garde home de péchier. Et por ce que toz biens en vienent et toz maus en doivent remaindre, c'est si haute chose que nus ne la doit alongier que ele ne soit donée.