XVI. De us et des fruiz avoir.

§ 1.

Se usage d'aucune chose de fruiz est lessié, il fust avis à plusors que ce fust droiz que cil à qui l'en a fet lès, doigne caucion por lui qu'il en usera à l'agart de bones genz, et quant il ne tandra plus ne l'us, ne l'usage, ne les fruiz, il randra ce que remoindra. Ceste promesse doit estre fete, se la chose est muble, segunt costume ; de l'autre, non ; mès segont droit, il doit1.

Il doit donc doner caucion par agart de prodome, de garder ce qu'il prandra au fruiz, c'est-à-dire qu'il n'empire la chose et qu'il la face ausit bien comme il feroit la soe. Et doit l'en mestre en escrit qu'il ait (quelle est) la chose, et se péris dou mal est, si que l'en puisse apercevoir si l'ont empirié ou non. Il m'est avis et meuz estoit de doner caucion par promesse, que se aucuns n'en use à l'agart de prodome, que la promesse soit perdue menois ; ne nos n'entendun (n'attendons) pas que li usaiges soit perduz2.

[p. 137] Ceste promesse a deus causes : l'une est se aucuns a uusé autrement qu'il ne doit et prodome l'esgarde ; l'autre est de rendre l'usage et le fruit. Et la première set aperdue menois que cil usera autrement qu'il ne doit ; et l'autre, (quand l') usage et li fruiz sera finez. Tuit li quas seront contenu en ceste promesse, par qui usages et fruiz est perduz.

Nos entendon que usages et fruiz, si n'est tenuz par droit, tot soit-il lessiez, et la promesse sera perdue, ausi comme s'il lessoit à tenir ce qu'il n'avoit pas comoincié. Se le fruitier a la propriété, li usages faudra3.