XIII. D'usaiges lessiez.
§ 1.
A totes les foiz que usages est lessiez à plusors, et je le dement, je dement à droit que acroissement est lessiez ; et s'il est lessiez deviséement à chascun sa part de la chose, lors n'i a-il point de poer d'acroistre.
L'en demende se li usages est lessiez à un serf commeun, si est conquis à l'un seignor et à l'autre, et se li uns refuse sa part, se li autres aura tôt ? Et il set que li usages ne soit pas aquis par ynées parties ; [p. 133] mès à seignors ; totesvoes ne doit l'en pas regarder à la persone des seignors ; mès à la persone de celui à qui li usages doit apartenir ; et l'en dit que à l'un des seignors usagiers nont pas la seignorie. Quar se usages est lessiez à moi et à toi, se li uns le refuise, li autres aura tot1.
Se seignorie de teneure t'est lessié, et li usages m'est lessiez, et à toi et à men iers ; ge et mon eir (men iers) i avons les does parz en l'usage, et une partie dou tierz sera mellée à la seignorie. Et se ge ou mon eirs muons nostre estat, li tierz sera départiz antre toi et l'un des noz, ausint comme cil qui ne mua pas son estat i eit la moistié, et la seignorie l'autre, ou moitié li remaigne2.
Se porpriere (propriété) de teneure est lessié de deus, et l'usage à un, li dui n'avront pas les deus parz, mès la moitié ; et li fruitier la moitié ; et encontre se l'en lesse à un ou à deus la teneure.
Quant chascun des hers lessent usages d'une moisme chose à cex à qui l'en a lessié, aparissant est que li premier (fruitier) soient sevré, ausi comme fruit d'une meisme chose fu lessiée à deus parties, et por ce droiture d'acorostre ne part sanz à nos3.
