Vidimus de la charte du Maître du Temple, en France, au sujet de la redevance de 50 muids de grain, à Lagny-le-Sec, etc.
André de Coleurs, grand-maître des Templiers, règle, d'accord avec le prieur de la Charité, l'amodiation des terres de Lagny-le-Sec, le Plessis-Belleville, etc.
- A Collationné sur l'original aux arch. dep. de l'Oise.
- a Cartulaire du prieuré de Saint-Christophe-en-Halatte, éd. Amédée Vattier, Senlis, 1876.
Universis presentes litteras inspecturis, frater Pontius de Ambon, domorum milicie templi in francia preceptor salutem in Domino.
Noverint universi quod nos cartam fratris Andree de Coleors predecessoris nostri vidimus sub hac forma.
Frater Andreas de Coleors domus templi preceptor in francia omnibus presentibus et futuris in Domino salutem. Noverint omnes quod nos et successores nostri in perpetuum tenemur solvere monachis de Caritate seu certo nuncio eorum quidquid contingat, annis singulis, apud Laniacum siccum quinquaginta modios bladi2 laudabilis ad mensuram de Domno martino. Cujus medietas erit frumentum et reliquum avena ; et apud Radolium, vel apud Villers prope Gandelus,3, octo modios bladi laudabilis ad mensuram de Gandelus. Cujus medietas erit frumentum et reliquum avena ; et apud Troan : viginti modios bladi laudabilis ad mensuram de Troan. Et apud Capellam Galonis : quinque modios bladi laudabilis ad mensuram trecensem ; et medietas totius bladi de Troan et de Capella Galonis erit siligo et reliquum avena. Et apud Homeriacum :4 septem modios bladi, ad mensuram de Dugno. Cujus duo modii erunt frumentum et reliquum ordeum et avena. Et totum bladum supradictum debemus pro magnis decimis de Laniaco sicco, et de Troan et de Capella Galonis et de Villeriis prope Gandelus et de Homeriaco. Quas nobis admodiaverunt dicti monachi de Caritate in perpetuum pro summa bladi, superius memorata. Et ipsi monachi tenentur satisfacere annuatim capellano de Laniaco sicco super blado quod percipere debet in decimis ejusdem ville. Et omnes minute decime et omnes ecclesie tam belleville quam omnium supradictorum locorum monachis de Caritate libere in perpetuum remanent et quiete, teste sigillo nostro.
Actum .
In hujus autem rei testimonium et confirmacionem sigilli nostri munimine presentes litteras fecimus roborari.
Datum anno Domini millesimo ducentesimo quadragesimo.
