Justice des bois de Saint-Christophe.
Accord entre le prieur et Pierre Choisel, relativement à la Justice des Bois ed St-Christophe.
- a Cartulaire du prieuré de Saint-Christophe-en-Halatte, éd. Amédée Vattier, Senlis, 1876.
Ego Petrus dictus Choisial miles, Dominus de Plesseio juxta Silvanectum, notum facio universis presentibus et futuris presentes litteras inspecturis quod cum contentio esset inter me ex una parte et religiosum virum Priorem et monachos Sti Christofori in Halata ex altera, super justitia latronum et melleye2 que eveniunt et evenire possunt in nemoribus omnibus dictorum monachorum StiChristofori tam in stratis publicis quam in omnibus aliis semitis minoribus et locis omnium predictorum nemorum, de consilio bonorum virorum et de assensu etiam et voluntate venerabilis viri Joannis, prioris Beate Marie de Caritate, et meo, inter me et dictos Priorem et monachos Sti Christofori ordinatum fuit et pacificatum in hunc modum, videlicet quod si servientes mei vel alii extranei homines qui non sint de familia vel de jurisdictione StiChristofori vel Prioris de Charitate seu de domibus Prioratui de Caritate mediate vel immediate subjectis aliquem vel aliquos latrones, seu aliquos melleiam facientes in omnibus nemoribus dictorum monachorum seu in stratis dictorum nemorum deprehenderint mea ex illis erit justitia. Et si servientes, hospites, vel homines dictorum Prioris et monachorum seu aliqui alii qui subditi sint Priori vel Prioratui de Caritate undecumque sint prius aliquem latronem vel aliquos latrones, seu aliquos melleiam facientes in predictis omnibus nemoribus dictorum monachorum Sti Christofori tam in stratis publicis quam in omnibus aliis semitis minoribus et locis omnibus nemorum predictorum deprehenderint, Prior et monachi Sti Christofori totam justitiam de ipsis malefactoribus plenariam habebunt. Si vero latrones deprehensi fuerint pro feris (? de ipsis habebo justitiam. Justitia autem latronum qui capti detinebantur, pro quibus controversia inter me et dictos Priorem Sti Christofori et monachos ejusdem loci mota fuit pro eo mihi remansit quod a servientibus Domini Regis et hominibus extraneis capti fuerant et deprehensi. Hanc autem ordinationem promisi de me et heredibus meis fideliter et firmiter in perpetum bona fide tenendam et observandam. In cujus rei testimonium presentes litteras sigilli mei munimine communire dignum duxi.
Datum .
