Bulle du pape Alexandre VI autorisant Zacharie Parent à résigner son prieuré en faveur d'Antoine Parent.

Alexander episcopus, servus servorum Dei, dilecto filio Zachariæ Parentis, monacho prioratus de charitate super Ligerim, salutem....

..... Cum itaque tu hodie prioratum Sti Christophori in Allata, cluniacensis ordinis, Belvacensis diœcesis, quem tunc obtinebas, per certum procuratorem tuum ad id a te specialiter constitutum, in manibus nostris sponte et libere resignaveris, nosque resignationem ipsam admittentes, prioratum prædictum dilecto filio Antonio Parentis per alias nostras litteras contulerimus, nos tibi qui presbyter, et ut asseris, de nobili genere ex utroque parente procreatus existis, ne ex resignatione hujusmodi nimium dispendium patiaris, de alicujus subventionis auxilio providere volentes, tibi omnes et singulas decimas minutas parochiarum de Lagniaco sicco et Plesseio sub Damno Martino, et viginti sex modia grani, videlicet tredecim avenæ ad mensuram loci Domni Martini dicto prioratui debita super grangia templariorum dicti Lagniaci sita prope dictum Plesseium ac unam nuper ædificatam in loco dicti prioratus et aliam sitam in civitate silvanectensi dicto prioratui spectantes domos pro tuis usu et habitatione, quæ omnia tertiam partem fructuum reddituum et proventuum dicti prioratus ut etiam asseris, non excedunt, per te, quoad vixeris, etiam una cum omnibus et singulis beneficiis ecclesiasticis quæ in posterum obtinebis.... necnon jus conferendi beneficia ecclesiastica curata quæ ad collationem, et præsentandi illa quæ ad præsentationem prioris pro tempore existentis dicti prioratus pertinent, ipsius Antonii ad hæc omnia expresso accedente consensu, auctoritate apostolica tenore præsentium loco pensionis annuæ reservamus, concedimus et assignamus...

Datum Romæ apud S. Petrum anno Incarnationis dominicæ millesimo quingentesimo secundo, nonis aprilis, pontificatus nostri anno decimo.