Bois de Saint-Christophe.

Je Mesires Pierres choisaux chevaliers et sires du Plaisier, a tous ceux qui ces lettre verront, salut en nostre segnor.

Je fais a scavoir que aucunes fois je et mes Peres avons pris du bois de Sainct-Christophe sans le congié au prieur, dont concience me reproche que je n'avoit nul droit et pour ce je leur quit et vuel que je ne mi oir ne poisent riens prendre on devant dit Bois de Sainct-Christophe desorenavant san leur congié, sans ce que je requiere que mi porcel noisent ou p isent ? en iceluy bois et sans le pegier2 et le cendrier3 et ma chose et mon gruache4, et sans ce que se mes sergent viennent au forfait que li sergens Sainct-Christophe et li mien viennent ensemble, lamende est commune à moie et au Prieur de Sainct-Christophe, et en temoing de ces choses devant dittes, Je ai pendu mon scel eu ces presentes lettres en lan de lIncarnation nostre Segnor 1259 on mois de Mars.