Un past dû par Saint-Christophe.

Je Jehan abbé de St-Cornil de Compiègne fais ascavoir a tous ceux qui ces lettres verront que Jehan de la Croix de Noë Sainct Remy, nostres hostes a recogneu devant nous que du plait que il avoit au Prieur, au moines et a leglise de Sainct Christophe, cest ascavoir dun Past que il demandoit au devant dict Prieur et au moines et a lEglise de St-Christophe, le jor de Sainct Christophe en esté de quatre miches, de demy septier de vin, dune piece de chair ou de deux flians se temps nestoit de chair, quil ne ses oir ny avoient droit et se en avoient il le quittoit au devant dict Prieur et aux moines et a lEglise en telle maniere quil ne veuil quil ne ses oir doresenavant puissent rien demander par la raison dou past au Prieur ne a lEglise ne aux moines de St-Christophe et pour ce que soit ferme et estable, a la requeste dou devant dict Jehan nous avons mis nostre scel a ces presentes lettres en tesmoing des choses devant dictes.

Ce fu fet en lan de lIncarnation nostre Segnor mil deux cent et soixante on mois doctobre.