Un past dû par Saint-Christophe.

Je Gautiers Begers meres de Pompoin et tous li Per de Pompoin faisons a scavoir a tous ceux qui ces lettres verront que Oudart Gouen de Pompoin a requeneu devant nous dou plait qu'il avoit au Prieur et au moines et à leglise St-Christophe, cest ascavoir d'un past que demandoit au devant dict Prieur et aux moines et a leglise Sainct Christophe le jor de la sain Christophe en esté, de quatre miches, de demy septier de vin, d'une piece de chair, ou de deux flians2, si temps nestoit de chair manger, quil ne si oir ny avoit droit, et se droit il ne si oir y avoient, il le quitte au devant dict Prieur et aux moines et a leglise en telle maniere quil ne veult que il ne si oir doresenavant puissent rien demander pour la raison dudit past au Prieur, a leglise ne aux moines de Sain Christophore et por ce que ce soit fet et estable, a la Requeste dou devant dict Oudart, Nous avons mis nostre scel en ces presentes lettres, en tesmoing des choses devant dictes.

Ce fut donné et fet en lan de lIncarnation Nostre Segnor mil deux cent et soixante, on mois de Novembre.