École des chartes » ELEC » LI SEIZIESMES LIVRES » VIII. Que rien ne soit fet en saint leu [rubr.]

VIII. Que rien ne soit fet en saint leu [rubr.]

  • Traduit du Dig., liv. 43, tit. 6 : Ne quid in loco sacro fiat.

§ {43.6.1}

Ulpianus dit : je deffant que nule chose ne soit fete ne mise en nul saint leu. {1} Cist bennissemenz apartient as seinz leus. {2} Ce que li prevoz dit, que nule chose ne soit fete en sainz leus, il ne1 apartient pas à ce qui est fet por cause de ornement, mes à ce qui est fet par cause d’anledissement ou de domage. {3} Mes la cure des mesons ou des seinz leus est commandee à cex qui gardent les seintes mesons.

§ {43.6.2}

Hermogenes dit : il n’est pas ostroié à fere à murs ne à portes ne as autres sainz leus aucunnes choses de quoi domages ou ledece viegne.


1 ne] ni dans le ms.