XVIII. Quel chose est mobles.
§ 1.
Quel chose est moebles ? Quel chose est conquez ? Quel chose est héritages ?
Héritages est édefices, doiz d'eue, chans, prez, vignes, jardins, bois, estans, bêtes sauvages, sers, et plusors autres choses. Et tex choses ont cors. Estres (en outre) uns autres héritages qui n'ont point de cors : comme cens, marchiez, foires, paages, reliés, rachat, servise, usage, com an vois, comme en aler et à venir par autrui champ, et plusors autres choses semblables. Et tex héritages n’ont pas cors.
§ 2.
Mobles si est toz blez qui sont cuiliz, et toz vins et toz autres fruiz cuilliz. Et si blez n’est cuilliz, et il soit en terre qui soit gaagnée à seson, c'est mobles« et vigne fere à seson« et fein de pré, dès marz. en amont« fruit des jardinz, de mars en amont. Dras, linge et lange, tote garnison d'ostel, or, argent, pierre qui n'est mise en ovre, pressoirs, bois copez, totes bêtes privées : tex choses sont mobles, et ont cors. Uns autres mobles sont comme oignon.
Se ge achète les fruiz d'un héritage, et les issues d'une terre, et un doere, et un usage à un tens : tex mobles n'ont pas cors.
§ 3.
Conquez si sont en trois manières : li uns si sont en héritages [p. 269] qui ont cors, et en héritages qui n'ont pas cors« et en mobles qui ont cors, et en mobles qui n'ont pas cors.
A totes les foiz que ge achète héritage, quel qu'il soit, de ma gaagne, ou des fruiz et de ma tere, c'est conquez.
Feme conquiert ausi bien comme home.
A totes les foiz que ge aquier mobles par ma marcheandise, ou par mon labor, c'est conquez de mobles.
