II. Quex femes ne soient obligies.

§ 1.

L'en a en ce ban conpris et contenu plainement, que fame ne soit alienée par nul lian, plainement que feme ne s'entremete por nul home. Car ausint comme l'en oste as femes office de juridiction, et por lor mors comme por la feblece de lor sen.

Enprès l'en deffant que fames ne soient plèges por lor mariz1

Enprès l'en deffant que à mari ne soit plège, ne n'achat, ne n'enprunt héritages, ne vande, ne marcheandisses, ne ne praingne, ne ne vande, sanz le congié son seignor ; et s'ele le fet, ne vaut riens.

§ 2.

Or convient que nos déclarons les paroles, et que nos les loen, en ce qu'eles aident as femes por lor feblece, et por maintes resons les secort l'en. Mès nos ôtons qu'eles ne facent conchiement ; car li rois dit que l'en doit aider as femes, non pas à lor décevance.

§ 3.

Tote obligacion est conprise en ceste aucion, ou par parole, ou par chose, ou par marchié.

Feme ne puet deffendre nului en plet2. Mès se ele est sanz seignor, ele puet bien deffandre son pleige, et soi-meisme. Feme qui n'a seignor puet plévir, et puet avoir juridiction, et procuracion, et avocacion.

§ 4.

[p. 274] L'en deffant que fame ne soit tavernère, ne bordelière. Et s'ele est, ele n'est obligée de riens. A totes les foiz que fame fet honeste chose que prodom doit fere, ele est obligée.

L'en demende se en cause de feme a point de bataille : L'en dit que oïl ; ausint comme il a en cause d'ome, an ce quas i a.