XXVII. De longue tenue et de défaut de droit.
§ 1.
Longue tenue est paine as pereçus : icele longue tenue, qui est tenue apertement, au seu des seigneurs. Car quant communs siet aucune chose qui contient très grant négligence, n'acuse (n'excuse) pas le seigneur.
§ 2.
Se aucuns dit que ses sires li fet tort, et s'en plaint à plus grant jostice, se c'est d'éritage, et li sires en set condampnez, il pert la justice. Et se li plaintis est condempnez, il pert l'éritage. Et se c'est de fet de cors, cil à qui l'en met sus le fet, se il est dampnez, ses biens remainnent en l'avarice del seigneur. Et se il s'en pert à son droit, li sires en pert la jostice, segont la costume de la terre, et segont les establissemenz le roi, ou titre d'apeler son seignor de défaut de droit, et segont l'usage de baronie.
