XXVI. Désavoer son seignor.
§ 1.
Se aucuns tient d'aucun aucun héritage, fei ou vilenage, et est tenu par droit titre et par longue tenue qui vaille, se il désaveue de son seigneur, la paine est que il doit perdre l'éritage.
§ 2.
[p. 286] Et se aucuns li demende que il doit tenir de lui l'éritage davant dit, la quenoissance apartient au premier seigneur. Et se il ne vest deffandre ou guarentir ce que l'en aura tant longuement tenu de lui ou de ses encesseurs, cil qui est li doumainnes ne fera que sigre le segont seigneur, et prandre de lui.
