École des chartes » ELEC » LI DIX-NEUVIESMES LIVRES » XXIV. Comment l'en apèle home de force
[p. 300]

XXIV. Comment l'en apèle home de force

§ 1.

Comment l'en puet apeler home de force1. — Force si est quant aucuns prant aucune chose d'aucun par force, sanz la volenté à celui qui ele est, et si que li poiers2 à celui qui prant la chose voinque3 le poer à celui qui la chose est4.

§ 2.

Uns hons si dit issit5 : Gaubert6 a pris un mien sorcot en ma meson, et l'en a porté à force7. Et s'il viaut dire que ce ne soit voirs, je sui prez de mostrer8 et de l'avérier9 contre son cors, si comme je devrai10, comme home11 qui a son essoine.

Li autres fet encontre tel ni et tel deffensse12 comme il doit. L'en demende qu'an dit droit13 ? Et l'en dit que cil est loissanz de prandre la prove, et dire que c'est voirs, ou d'escondire par gage de bataille. Car en prover force reposte ne conviant pas garant14, fors qu'il i ait chetel par quoi li gages i15 doie estre. Car force reposte ne seroit jamès provée, s'il i16 convenoit traire17 garant, dès qu'il die qu'il ait veu et seu18.

§ 3.

[p. 301] De force fere. — A (to) tes les foiz que l'en tost à home la soe chose, sanz son grié et sanz sa volenté, c'est force.

§ 4.

Hou dit issi : Gefroi vint en ma meson, et enporta ma chose, un sorcot qui estoit miens ; je li vos recorre, il le me toli. S'il le me quenoist, biau m'en est ; et s'il le nie, je sui prez de mostrer et de l'avérer qu'il enporta le mien, et me fist tele force comme je dit.

Gefroi fet encontre tel ni et tel deffansse comme il doit. Et l'en demende qu'en dit droit ? Et l'en dit que de tex moz nessent batailles, tot ne trove (traie)-il garant avant. Car totes les foiz que aucuns tost à autre sa chose, ou en chemin, ou(en) adéfice, de tel chose nest bataille, tot n'en trée l'en pas garant avant.

§ 5.

Force n'est pas, se le poer à celui qui ravist ne sormonte le poer à celui qui la chose est.

§ 6.

De petit lédissement. — Se aucuns lédist aucun apertement, et il ne li face sanc ne chaable, ne péceure, fors de férir, et de boter, et de coicier : en tex choses n'a point de gage, et tel chose n'est que sormise. Et quant il aviant prove an sormise, la prove est au chois à celui à qui l'en demende.


1 Le § 1, à partir des mots : force si est... et le § 2, avec les variantes ci-dessous indiquées, sont répétés plus bas sous cette rubrique : De la division de force, et comment l'en en puet apeler. Voy. le titre xxvii suivant, vers la fin.
2 Poers.
3 Vainque.
4 A celi qui est la chose.
5 Issint.
6 Ajoutez : si.
7 Ajoutez : et ce je sé.
8 Prover.
9 L'avérer.
10 Com je devré.
11 Com hom.
12 Deffanse.
13 Droiz.
14 Convient point de garant.
15 I manque.
16 Si.
17 Trere garanz.
18 Les mots : dès qu'il et suivants, manquent.