XXXIX. De lédissemenz fez à sergenz et de forfez de celui qui est atornez au sergent le roi.

§ 1.

L'en dit ci, que se aucuns équeut à sergant le roi, savoir comment il en sera provez, et il preigne par prise de sergenterie ?

Et l'en respont qu'il en fera enquerre de la chose, et sera amendé par l'enqueste. Et s'il prant por soi, il ne puet fere, s'il n'a propre juridiction de seignorie. Et s'il n'a poer ne de semonses ne de prises, il ne puet prendre fors en la chose où costume le sueffre, comme en son plége, et an aucunes autres choses.

§ 2.

[p. 314] Et se l'en le fiert et bat, comme en prison, por acheson dou servise, ce ira par enqueste. Et se l'en li fet désavenant sanz acheson dou servise, ce doit aler par la loi de la terre ; fors en cex, c'est à savoir murtre, larrecin, traïson, homecide, membre tolu, rat.

§ 3.

Et en toz les quas où home pert vie et membre, en tel quas n'a point d'enqueste, fors la loi dou païs.