Littera pape Lucii III de prebenda Sancti Exuperii1.
- A Scellées en plomb et queue d'un las de soye jaulne. Ce titre a été copié sur un texte du xvie siècle, aux archives de Seine-et-Oise, Prieuré d'Essonnes. Aujourd'hui Arch. dép. Essonne.
- B Bibl. de Corbeil-Essonnes, ms. 105, cartulaire du XIIIe siècle.
- a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
Lucius episcopus, servus servorum Dei, dilectis filiis abbati et monachis Beati Dionisii salutem et apostolicam benedictionem.
Ea que judicio vel rationabili concordia terminantur firma decet et illibata manere ; et, ne alicujus valeant malicia perturbari, scripta debent memorie commendari apostolicoque presidio communiri. Cum autem inter monasterium vestrum et ecclesiam Sancti Exuperii Corboliensis super integritate prebende ipsius ecclesie, quam vos ad prioratum Beate Marie de Campis dicebatis de jure spectare, controversia verteretur, bone memorie Johannes, quondam Carnotensis episcopus, cui causa ipsa fuerat de apostolico mandato commissa, inter vos taliter statuit in iis : qui pro tempore fuerit prior in jam dicta ecclesia Sancte Marie de Campis prebendam ipsam cum integritate percipiat, et deserviat per vicarium perpetuum in eadem ecclesia, qui majorem missam ibidem celebrabit ; vel, si maluerit, per alium faciet celebrari. Nos igitur quod idem episcopus statuit super prebenda ipsa, sicut rationabiliter factum est et in scripto ejusdem episcopi plenius continetur, auctoritate apostolica confirmamus, et presentis scripti patrocinio communimus, statuentes ut nulli omnino hominum liceat hanc paginam nostre confirmationis infringere vel ausu temerario contraire. Si quis autem hoc attentare presumpserit, indignacionem omnipotentis Dei et Beatorum Petri et Pauli Apostolorum ejus se noverit incursurum.
Datum Verone .1
