Littera de censu ad Priorem Beate Marie de Campis pertinente.
- A Scellé de cire jaune, sur double queue de parchemin, aux armes du chapitre et à celles de Saint-Spire.
- B Copies du xve et xviie siècles. Arch. dép. Essonne, prieuré d'Essonnes, titres de propriété.
- a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
Arnulphus, cantor, totumque Beati Exuperii Corboilensis capitulum omnibus presentes litteras inspecturis in Domino salutem.
Noverint universi quod de tribus arpennis vinearum quos abbas et conventus Beati Dionisii altari Sancte Trinitatis in ecclesia nostra instituto in perpetuum tenendos confirmaverunt, videlicet de arpenno et dimidio in Roissiaco et dimidio in Vineio et uno arpenno in Vallibus de cetero singulis annis solventur priori de Essona viginti solidi de censu a quibuscumque teneantur. Magister enim Guillelmus, nepos Galteri concanonici nostri, unum ex ipsis, scilicet arpentum in Vallibus, tenebit quandiu vixerit, et post ejus obitum ad dictum altare libere revertetur. Nos vero tali confirmationi benigne concordantes, censum nominatum volumus et concedimus, et per presentes litteras sigillo nostro sigillatas ecclesie Beate Marie de Campis confirmamus, salva omni justitia et jure Beati Dionisii excepto quod non poterunt cogi ad vendendum.
Actum .
