École des chartes » ELEC » Cartulaires d'Île-de-France » Saint-Spire de Corbeil » Cartulaire » Littera de nundinis Sancti Egidii contra Theobaldum de Campo Rosato

Littera de nundinis Sancti Egidii contra Theobaldum de Campo Rosato

  • A Original. Arch. dép. Essonne, G, fonds de Saint-Spire-en-Corbeil.
  • B Bibl. de Corbeil-Essonnes, ms. 105, cartulaire du XIIIe siècle.
  • a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
D'après a.

In nomine Patris et Filii et Spiritus Sancti. Amen.

Cum capitulum Sancti Exuperii Corboliensis proposuisset in jure coram officiali Parisiensi contra Theobaldum de Campo Rosato et Philippum de Croa ipsos contra prohibitionem suam cepisse havagium in nundinis Sancti Egidii Corboliensis quarum habet custodiam, et a quolibet havagio sunt immunes, ut idem capitulum asserebat, cum etiam petiisset illud quod ceperant de havagio sibi restitui ab eisdem et injuriam ex hoc sibi illatam ad valorem viginti librarum Parisiensium emendari ; jurisdictione ad nos per mortem episcopi devoluta, Philippo liticedente, et inter dictum capitulum et Theobaldum lite legitime coram nobis contestata, jurato de calumpnia, confessionibus partium auditis et in scriptis redactis, testibus legaliter receptis et prudenter examinatis, attestationibus publicatis et diligenter inspectis, inspecto etiam Celestini pape instrumento super confirmatione libertatis dictarum nundinarum dicto capitulo et sue ecclesie concesso, lite conclusa et juris ordine in omnibus observato, die ad audiendam diffinitivam sententiam assignata, presentibus partibus et pronunciari sentenciam petentibus, de bonorum virorum et juris peritorum consilio, dictum Theobaldum ad reddendum dicto capitulo illud quod cepit in dictis nundinis de havagio condemnamus, adjudicantes nichilominus eidem capitulo contra Theobaldum emendam injurie ad valorem sexaginta solidorum, et centum solidos Parisiensium pro expensis, in omnibus hiis nostra taxatione legitima precedente et juramento procuratoris capituli, speciale mandatum ad jurandum super hiis habentis, subsecuto.

Actum in vigilia Sancti Petri ad Cathedram .