« G Estelou : donatio terre de Potino. »
- B Arch. dép. Eure-et-Loir, H 2322 (ancienne cote : n° 18 de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Ego Bartholomeus, decanus Sparnonensis, universis presens scriptum inspecturis notum facio, quod Willelmus Estelou, assensu et voluntate uxoris sue Juliane, et puerorum suorum, dedit pietatis intuitu in elemosina domui Sancti Thome de Sparnone totam terram de Potino. Preterea, ne uxor dicti Willelmi super hanc terram in elemosina datam per dotalicium aliquid de cetero possit reclamare ; ipsa spontanea voluntate dictam terram in manu nostra resignavit, et fidem dedit quod de cetero super dictam terram nichil reclamabit. Voluntate ejus et viri sui dictam domum de terra predicta sessivit. Et si forte dictam domum aliquis super hanc terram vexare voluerit, ipsa per fidem tenetur quod secundum posse suum, salvis suis expensis, hanc terram dicte domui garantizabit. Et ut illud firmiter teneatur, ego Bartholomeus predictus ad petitionem utriusque partis presentem paginam sigilli mei munimine confirmavi. Actum anno gracie. MºCCº vicesimo primo. »
