« Philippe, par la grace de Dieu roi de France. Comme le prieur d'Espernon nous a exposé qu'il a acquis de Henry de Saint-Yon, chevalier, ès fiès de la dame de Galardon, mouvans et tenus de nous, pour fonder en sa prieurté une messe chascun jour pour lui et pour tous ses bienfaiteurs, trente arpens de terre assis ou terrouer de Jouy-sur-Eure lès Chartres entre Soleire et Jouy ou prix de vii livres dix sols de rente par an ; Item dix arpens de terre séans au terrouer de Chartainvilliers ou prix de 60 sols de rente ; Item deux fours l'un à Jouy, l'autre à Saint Prest jouxte Jouy, ou prix de six livres de rente ; Item lxx sols à prendre chascun an sur les cens Henry de Saint-Yon, chevalier, etc. »