« ..... Jehan Cadou licencié en loix, bailly d'Espernon..... par devant Guillaume Moreau, tabellion en la chastellenie d'icelui lieu, vint et fut présent Guillot Le Bouchier, demourant à la Musse, lequel congnut..... que il tient et advoue à tenir en fief à une foy et ung hommage, rachat quant le cas y eschiét, de religieuse et honneste personne frère Clément de Saint Lomer, prestre, prieur du prieuré de Saint Thomas d'Espernon.... une masure ou souloit avoir maison avesques le jardin, terre et appartenances..... contenant trois arpens de terre assis en la paroisse de Prouet, tenant d'une part et d'aultre à Pasquier Maillart ; abutant d'un bout au chemin des Pintières et d'autre bout audit Guillot Boucher. Et tout ce que dessus est dit, ledit Guillot Boucher advoua et advoue à tenir en fief à cause dudit prieuré ; en faisant protestation que si ledit Guillot a aucune chose oblié..... etc. Le xvj^e jour de décembre l'an de grace mil CCCC soixante six. »