« Universis presentes litteras inspecturis, Ferrandus, illustris regis Hispanie filius, heres Pontivi et dominus Sparnonis ac miles, et domina Laura de Monteforti, ejus uxor, salutem. Cum controversie verterentur inter nos ex una parte, et religiosos viros abbatem et conventum Majoris Monasterii Turonensis, priorem et conventum Sancti Thome Sparnonensis, super claiis clausure cujusdam stagni ipsorum religiosorum ; super censu sive censiva cujusdam domus site in burgo Sancti Thome Sparnonensis prope portam castri nostri Sparnonensis ; super justitia terre ipsorum monachorum, et super pluribas aliis : tandem nos, hinc inde saniori ducti consilio, pacificavimus sub forma que in litteris nostris sigillis nostris sigillatis, et suis similiter litteris sigillo predicti prioris sigillatis, nobis et ipsis mutuatim datis plenius continetur, pacificavimus et pro predicta pace, et immunitatibus, libertatibus, justiciis, donacionibus factis a nobis et progenitoribus atque antecessoribus nostris et concessis religiosis supradictis et predicto prioratui Sancti Thome de Sparnone Carnotensis dyocesis, a nobis et a quibuscunque et inviolabiliter observandis prout in litteris predictis nostris et suis hinc inde confectis plenius continetur, de bonis ipsorum religiosorum ducentas et triginta libras bonorum turonensium receperimus et habuerimus per manus predicti prioris in peccunia numerata. Nos nolentes quod eccecutione hujusmodi super premissis de cetera per aliquid molestentur, volumus, concedimus, et promittimus quod si Beatrix heres Montisfortis, vel domina de Noele1 sive uxor domini Johannis de Sessuns2 revenerint ad proportionem terrarum nobiscum atque assignaverint ad partem quam tenemus, et eam pacem quam nos cum dictis religiosis fecimus sicut în predictis litteris nostris et suis custodire noluerint nec tenere, et eam in aliquibus aut aliquo infregerint, quod nos statim et protinus dictis religiosis predictam peccuniam..... reddere teneamur, et ipsi religiosi, teneantur nobis reddere litteras quas ipsi habent a nobis super predicta pace facta solutione prius dicte peccunie, redderet eneantur..... similiter. Nos autem, nec heredes nostri, neque possumus nec in perpetuum poterimus predictam compositionem pacis revocare, nec in aliquo violare. Nos..... ad omnia et singula premissa firmiter tenenda inviolabiliter in futurum bona fide eisdem religiosis obligamus nos et heredes et successores nostros et omnia bona nostra, mobilia et immobilia, habita et habenda presentia et futura, ubicunque existentia. Actum et compositum fuit inter nos et predictos religiosos, quod cum dicta Beatrix heres Montisfortis ad legitimam etatem pervenerit et per biennium terram tenuerit, nec predictam compositionem pacis. nec ipsa predicta domina de Noele, nec predicta uxor domini Johannis de Sessuns, nec ipsa Beatrix revocaverint nec infregerint, elapso predicto biennio, predicti religiosi, nobis istas litteras, vel litteras sigillo abbatis et conventus Majoris Monasterii Turonensis et predicti prioris de Sparnone sigillatas in quibus fiet de istis presentibus litteris mentio, quod per istas non possint nos in aliquo molestare nec heredes nostros, vel predictam totam pecuniam sine contradictione aliqua reddere tenebuntur. Ad hoc se astrinxit prefatus prier et nobis suas dedit litteras quasdam alias super hoc sigillo suo sigilatas, si tamen idem prior super hoc a nobis fuerit requisitus. In cujus rei testimonium et munimen nos eisdem religiosis presentes dedimus litteras sigillis nostris sigillatas ; renunciantes in hoc facto exceptioni non numerate, non solute et non deliberate pecunie, et omnibus aliis que contra presens scriptum vel instrumentum possent obiri vel proponi. Datum anno domini millesimo ducentesimo sexagesimo, mense februario. »