« De Mitanivilla juxta Marchesium sentencia. »
- B Doubles queues de parchemin. Arch. dép. Eure-et-Loir, H 2333 (ancienne cote : n° 41 bis de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Omnibus ad quos presentes littere pervenerint, Odo, decanus de Medunta, et Philippus, presbiter de Hermercio, salutem in Domino. Noveritis quod cum contentio verteretur inter religiosum virum priorem de Sparnone ex una parte, et Galterium presbiterum et personam de Mitanivilla ex altera, super decimis quarundam terrarum sitarum in parrochia de Mitanivilla juxta Marchesium Giroust prope cheminum qui dicitur cheminus Vacarum ; et dicte partes compromisissent in nos de assensu et voluntate reverendi patris Mathei, Dei gratia episcopi Carnotensis, et assensu et voluntate religiosorum virorum abbatis et conventus Majoris Monasterii Turonensis, prout in litteris patentibus eorumdem vidimus contineri. Nos, habito bonorum virorum consilio, die mercurii post festum omnium sanctorum eisdem partibus coram nobis apud Sparnonem assignata ad audiendam super premissis pronunciationem arbitri nostri, arbitrium nostrum pronunciavimus in hunc modum. Videlicet quod dictus prior et successores sui de cetero nomine prioratus jam dicti percipient pacifice et quiete decimas triginta et quinque arpentorum sitorum in predicta parrochia de Mitanivilla, in territorio juxta dictum Marchesium Giroust prope cheminum predictum qui dicitur cheminus vacarum, dictus vero prior vel ejus successores in decimis novalium sitorum infra fines predicte parrochie de Mitanivilla aliquid amplius de cetero non poterunt reclamare. In cujus rei testimonium et munimen ad petitionem dictarum partium presentibus litteris sigilla nostra duximus apponenda. Actum . »
