Jean de Montfort partant pour la croisade reçoit 40 livres du prieur d'Epernon et confirme les libertés du prieuré.
- B Gaignères, Ext. de MM., II, 212.
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Ego Johannes, comes Montisfortis, notum facio presentibus et futuris quod cum in adjutorium hierosolimitane peregrinationis quam me facturus. Deo volente proposueram, religiosus vir Henricus tune prior Sancti Thome Sparnonensis XLª libras carnotenses michi liberaliter et caritative dedisset, presentem cartulam duxi prefate domui et monachis indulgendam quod perpetue testificetur quod donum istud fuit gratiam, et alia si qua idem Henricus, temporibus suis nomine prioratus jam dicti michi fecit, voluntaria fuisse non ex debito necessitatis extorta. Volo enim et concedo et confirmo predictis monachis et hominibus sive hospitibus eorumdem libertates et immunitates quas antecessorum meorum temporibus habuerunt, et quas antecessores mei eisdem concesserunt, et easdem illibatas conservari precipio. Nulli ergo heredum aut successorum meorum liceat dictos monachos aut homines eorum indebitis exactionibus gravari, aut contra eos occasionem accipere malignandi. Quod si quis fecerit, si commonitus sicut justum fuerit, non emendaverit, pena que in carta antecessoris mei Almarici domini de Monteforti hujusmodi malefactoribus imposita fuisse dignoscitur presentis cartule infractori quicumque fuerit imponatur. Quod ut ratum sit scribi feri et sigilli mei munimine firmavi. Actum 1. »
